Taǵy da áskerde: Arysta áskerı qyzmetshi ózin-ózi atyp jiberdi

Foto: ashyq derekkóz

Qorǵanys mınıstrliginiń Arys qalasyndaǵy áskerı bóliminde kelisimshartpen jumys isteıtin efreıtor óz basynan ózi atyp, aýrýhanaǵa tústi, – dep habarlaıdy qandastar.kz

Oqıǵa 16 qyrkúıekte bolǵan. D. T., esimdi azamat Arys qalasynyń ortalyq aýdandyq aýrýhanasyna jetkizilgen.

«16 qyrkúıekte táýliktik kezekshilikti atqarý kezinde Arys garnızony áskerı bólimderi biriniń kelisimshart boıynsha áskerı qyzmetshisi travmatıkalyq qarýdan basynan jaraqat aldy. Aldyn ala aqparat boıynsha kelisimshart boıynsha áskerı qyzmetshi otbasylyq-turmystyq janjal aıasynda óz-ózine qol jumsamaq bolǵan. Ol aýdandyq aýrýhanaǵa jetkizildi. Oǵan barlyq qajetti medıınalyq kómek kórsetilip jatyr. Qazirgi ýaqytta densaýlyq jaǵdaıy turaqty-aýyr dep baǵalanyp otyr. О́mirine qaýip tónip turǵan joq», – dep málimdedi Qorǵanys mınıstrligi.

Jaraqat alý faktisi boıynsha qylmystyq is qozǵalyp, tergeý is-sharalary júrgizilip jatyr.