Taǵy da koronavırýs: AQSh áýejaılarynda jańa shtamm taralyp jatyr

AQSh-tyń áýejaılarynda koronavırýstyń NB.1.8.1 atty jańa shtamy taralyp jatyr, dep habarlaıdy Qandastar.kz aqparattyq portaly BAQ.KZ saıtyna silteme jasap.

Hindustantimes.com taratqan málimetke sáıkes, jańa shtamm Kalıfornııa, Vashıngton, Vırdjınııa jáne Nıý-Iork áýejaılarynda tabylǵan.

NB.1.8.1 degen ataýmen belgili COVID-19-dyń jańa nusqasy eldiń áýejaılaryna kelgen sheteldik saıahatshylardyń basym bóliginen anyqtalǵany aıtyldy.

SDC (Aýrýlardy baqylaý men aldyn alý ortalyǵy) atalǵan shtamm Qytaıda jáne Azııanyń keıbir bólikterinde jyldam taralyp jatqanyn málimdedi.

Indettiń bul túrin juqtyrǵan adamdar Japonııa, Ońtústik Koreıa, Franııa jáne Qytaı syndy elderden saıahattan oralǵan. Vırýsqa synama 22 sáýir men 12 mamyr aralyǵynda alynǵanyna nazar aýdaryldy.

AQSh-tyń Ogaıo, Rod-Aılend jáne Gavaıı syndy keıbir shtattarynda da vırýs juqtyrý jaǵdaılary baıqalǵan.

Densaýlyq saqtaý salasynyń sarapshylary jańa nusqany jiti baqylaýda ustap otyrǵandaryn jetkizdi.

Máselen, Gonkongte de COVID jyldam taralyp, aýrýhana tósekteri emge muqtaj naýqastarǵa tolǵan. Turǵyndarǵa maska kııý rejımin saqtaý usynyldy.

Taıvanda da indet beleń alyp barady. Olar emdeý ádisterin jetildirip, vakınaııalaýdy qaıta jandandyrdy.