Taǵy qaıtalasań – tamaǵyńdy jyryp tastaımyn: Ekibastuzda áıel balany qorqytyp, urǵan

Foto: vıdeo skrınshot

30 maýsym kúni áleýmettik jelilerde Ekibastuz qalasyndaǵy oıyn alańynda bolǵan janjalǵa qatysty beınejazba tarady. Onda áıel adamnyń kámeletke tolmaǵan balaǵa aıǵaılap, balaǵat sózder aıtyp, qol jumsaǵany kórinis tapqan, dep habarlaıdy Qandastar.kz aqparat portaly.

Kadrda qorqyp jylaǵan balanyń daýysy anyq estiledi. Áıel tarapynan estilgen sózder qoǵamnyń qyzý talqysyna tústi. Atap aıtqanda, áıel balany qorqytyp: «Taǵy bir ret qaıtalasań – tamaǵyńdy jyryp tastaımyn» dep aıqaılaıdy.

Atalǵan oqıǵaǵa baılanysty Ekibastuz qalasy ákiminiń orynbasary Bıbigúl Imanǵalıeva túsinikteme berdi. Onyń aıtýynsha, 30 maýsymda bul derek boıynsha KÝI (qylmystyq quqyq buzýshylyqtar týraly isterdi tirkeý) júıesine eki materıal tirkelip, proessýaldyq sheshim qabyldaý úshin tıisti jumystar bastalǵan.

Qalalyq polıııa bólimi taratqan resmı aqparatqa sáıkes, qazirgi tańda áıel adamnyń kámeletke tolmaǵan balaǵa dene jaraqatyn keltirý deregi boıynsha tekserý júrgizilýde. Sot-medıınalyq saraptama taǵaıyndaldy. Onyń qorytyndysyna qaraı is boıynsha proessýaldyq sheshim qabyldanady.