Taksı júrgizýshilerine 50 shaqyrymnan artyq júrýge tyıym: Qajettilik álde májbúrli shara?

Illıýstraııa tengrinews

Shilde aıynyń aıaǵynda Kólik mınıstrligi taksı saparlaryn 50 shaqyrymǵa deıin shekteýdi usyndy. Qoǵamda bul másele jiti talqylanyp jatyr, dep habarlaıdy qandastar.kz inbusiness.kz saıtyna silteme jasap.

Kólik mınıstri Marat Qarabaev róli on jaǵyndaǵy kólikti InDrive-qa tirkeýdi alyp tastaý máselesi qaralatynynyn, bul baǵytta birqatar usynys ázirlengenin aıtty. Sózinshe, elimizde jol-kólik oqıǵalarynyń deni oń rýldi kólikterdiń qatysýymen bolady.

Búgingi tańda Senatta «ortasha jyldamdyq» týraly zań qaralyp jatyr.

«Bir núkteden ekinshi núktege jetý úshin ortasha jyldamdyqty asyrmaý kerek, odan kóp bolsa, avtomatty túrde aıyppul keledi. Nátıjesinde jeńil kólik pen avtobýstardaǵy ortasha jyldamdyq birdeı bolady dep oılap otyrmyz. Sondyqtan halyq qaıta avtobýsqa óte me degen oı bar. Ekinshi usynys – basqa elderde InDrive sııaqty agregattardyń qalalardyń arasynda qatynaýǵa ruqsaty joq. Mysaly, bizde de 50 shaqyrymǵa deıin bolady, odan ári qatynaýǵa bolmaıdy degendeı», – dedi mınıstr Úkimet otyrysynan keıingi brıfıngte.

Vedomstvo basshysy jol apatynyń deni jyldamdyqty qatty asyrǵannan, júrgizýshilerdiń kúni-túni demalmaı bir qaladan ekinshi qalaǵa jolǵa shyǵýynan dep otyr. Árıne, mınıstrdiń aıtyp otyrǵany ázirge tek usynystar ekenin eskerýimiz kerek.

Táýelsiz avtomobıl odaǵynyń tóraǵasy Edýard Edokovtan Kólik mınıstrliginiń bastamasyna qatysty pikirin bildik.

«Búginde naryqta osyndaı qyzmet túrine (taksı – red.) suranys, bul qyzmetti usynatyn jetkizýshi bar. Bul maǵan baǵasy boıynsha kelisýge kómektesetin jaı ǵana qosymsha. Taksı júrgizýshileriniń qaýipsizdik talaptaryna sáıkestigi bul basqa másele. Bul oılanýdy qajet etedi. Jalpy alǵanda, eger de qandaı da bir zańnamalyq tosqaýyldar bolmasa, onda erkin naryqta tyıym salýǵa qatysty osyndaı bastamalar kishkene túsiniksizdeý», – dedi spıker.

Sarapshyǵa InDrive qosymshasynda taksı júrgizýshisi retinde ekiniń biri tirkele alatynyn, bul máselede nege basa mán berý qajet ekenin anyqtadyq.

«Bul suraq jiti baqylaýdy qajet etedi. Sebebi kez kelgen adamnyń tirkelýine jol bermeý kerek. Munda birinshi kezekte kólik tıisti tehnıkalyq jaǵdaıda bolýy qajet. Bul taksı júrgizýshisi tehnıkalyq baıqaýdan ótken mashınany usynýy qajet degen sóz. Ekinshisi – júrgizýshiniń biliktiligi. Iaǵnı onyń belgili bir ótili bolýy kerek», – dep jalǵastyrdy ol.

Edýard Edokov qosymshada júrgizýshilerdiń bir táýlikte qabyldaıtyn tapsyrystarynyń sany boıynsha shekteý bolýy tıis degen pikirde.

«Biz ındraıverde, ıandekste bolsyn, kólikke otyrǵanda júrgizýshi uıyqtaǵan ba, kúni-túni demalmaǵan ba, saldarynan kólik tizgininde uıyqtap qalmaı ma – ony bilmeımiz. Taksı júrgizýshileri qoldanatyn qosymshada belgili bir saǵattan artyq tapsyrys kólemin qabyldaýǵa bolmaıtyny jóninde belgilengen jón», – dedi sarapshy.

Táýelsiz avtomobıl odaǵynyń tóraǵasy joldaǵy qaýipsizdikti arttyrýǵa jaıaý júrginshiler de, júrgizýshiler de, polıııa da jaýapty ekenin aıtady.

«Eger de jaıaý júrginshiler men júrgizýshiler jol qozǵalysy erejelerin saqtaıtyn bolsa, onda jolda júrý soǵurlym qaýipsiz bola túsedi. Ekinshisi – profılaktıkalyq sharalar. Bul baǵytta polıııa tarapynan baqylaý men túsindirý jumystary kúsheıgeni jón. Kelesi másele – ınfraqurylymnyń durys bolýy», – dedi Edýard Edokov.

Endi júrgizýshilerge qandaı talap qoıylýy múmkin?

Taksomotorlyq tasymaldarda qaýipsizdikti qamtamasyz etý úshin birqatar ózgerister enýi múmkin. Máselen, júrgizýshi jolǵa shyǵar aldynda medıınalyq kýálandyrýdan ótýi kerek, eńbek jáne demalys kestesin jáne jyldamdyq rejımin saqtaýy tıis. Sondaı-aq taksomotorlyq tasymaldarǵa tartylǵan avtokólik mindetti túrde Qazaqstanda tirkelip, jylyna eki ret tehnıkalyq baıqaýdan ótýi tıis. Bul týraly Kólik mınıstri Marat Qarabaev pen inDrive negizin qalaýshy Arsen Tomskııdiń kezdesýi nátıjesinde belgili boldy.