تاكسي جۇرگىزۋشىلەرىنە قاتىستى ەرەجەلەر وزگەرەدى

قر ءىىم اكىمشىلىك پوليتسيا كوميتەتىنىڭ توراعاسى قايسار سۇلتانباەۆ وكق-دەگى بريفينگتە 2025 جىلدان باستاپ جولاۋشى تاسىمالى سالاسىندا قانداي وزگەرىستەر بولاتىنىن ايتتى, — دەپ جازادى qandastar.kz

قايسار سۇلتانباەۆتىڭ سوزىنشە, كولىك مينيسترلىگىمەن بىرلەسىپ, تاسىمالداۋ قىزمەتىن ۇسىناتىن كومپانيالارمەن مەموراندۋمدارعا قول قويىلدى.

— مەموراندۋم اياسىندا جۇرگىزۋشىلەرگە قويىلاتىن تالاپتار كۇشەيەدى. وعان ەڭبەك پەن دەمالىس رەجيمىن ساقتاۋ, مەديتسينالىق تەكسەرۋدەن ءوتۋ, جولاۋشى جانە جۇك تاسىمالى ەرەجەلەرىن ساقتاۋ جاتادى. ينتەرنەت-اگرەگاتورلار ءوز قوسىمشالارىن وسى تالاپتارعا سايكەستەندىرىپ جاتىر, ال 2025 جىلدىڭ 1 قاڭتارىنان باستاپ اگرەگاتورلار تەك جەكە تاسىمالداۋشى رەتىندە تىركەلگەن جۇرگىزۋشىلەرگە تاپسىرىس بەرە الادى, — دەدى ول.

جەكە تاسىمالداۋشىلار ەندى:

• كۇندەلىكتى رەيس الدىنداعى جانە كەيىنگى مەديتسينالىق تەكسەرۋدەن وتۋگە;
• كولىكتى كۇندەلىكتى تەحنيكالىق تەكسەرۋدەن وتكىزۋگە;
• سول جاقتان باسقارىلاتىن تەحنيكالىق تۇرعىدا جارامدى كولىكتەردى پايدالانۋعا;
• ەڭبەك پەن دەمالىس رەجيمىن ساقتاۋعا مىندەتتى بولادى.

ەگەر بۇل تالاپتار ورىندالماسا, ينتەرنەت-اگرەگاتورلار جەكە تاسىمالداۋشىعا تاپسىرىس بەرمەۋگە مىندەتتى بولادى.