Jańalyqtar
Taksıster shyǵynǵa batýy múmkin – depýtat Sársenǵalıev májiliste dabyl qaqty
Foto: Májilis
Májilis depýtaty Nartaı Sársenǵalıev taksı júrgizýshileriniń máselesin kóterdi, dep habarlaıdy qandastar.kz Dalanews.kz-ke silteme jasap.
Májilis depýtaty Nartaı Sársenǵalıev Premer-mınıstrdiń birinshi orynbasary Roman Sklıarǵa taksı jáne avtobýs júrgizýshileriniń máselesin kóterip, úkimettiń jańa bastamasyn synǵa aldy.
“Úkimet taksı men avtobýs júrgizýshilerin tártipke keltirý maqsatynda jańa zań jobasyn usyndy. Bul qujatta jolaýshylar tasymaly salasyndaǵy memlekettik quzyrettiń bir bóligin ózin-ózi retteý uıymdaryna (SRO) berý kózdelgen”, – dedi depýtat.
“Tarıf belgileý men baǵa retteýdi jekemenshik uıymǵa berý – úlken qatelik”
Sársenǵalıevtiń aıtýynsha, zań jobasy ózin-ózi retteý uıymdaryna (SRO) jolaýshylar tasymalyndaǵy tarıfterdi belgileý jáne baǵany retteý quzyretin bermek. Depýtat muny “úlken qatelik” dep sanaıdy.
“Qurylýy múmkin ózin-ózi retteý uıymdarynyń azamattardy aıamaıtyny belgili. Bul tutas salany jekemenshik uıymdardyń qolyna ótkizip, qoldan monopolııa jasaýǵa baǵyttalǵan qısynsyz áreket. Buǵan álemdik mysaldar bar. Máselen, AQSh-tyń Kalıfornııa shtatynda taksı qyzmeti ózin-ózi retteý uıymdaryna berilgennen keıin, olar tek ózderine jaqyn taksı kompanııalaryn tirkep, qalǵandaryna jumys isteýge múmkindik bermedi. Sonymen qatar, qaýipsizdik talaptary jeńildetilgendikten, taksı júrgizýshileri demalyssyz jumys isteýge májbúr boldy. Saldarynan taksı qatysqan jol apattarynyń sany 15%-ǵa artty. Bul – ózin-ózi retteý júıesin engizýdiń naqty saldary”, – dedi depýtat.
“Jol qaýipsizdigin jekemenshik uıymdarǵa tapsyrý – adamdardyń ómirine salǵyrt qaraý”
Sársenǵalıev bul júıeni engizýge sarapshylar da, Májilis depýtattary da qarsy bolǵanyn atap ótti. Degenmen, memlekettik organdar joldaǵy qaýipsizdikti ózderi qamtamasyz ete almaı otyryp, jaýapkershilikti jekemenshik uıymdarǵa ysyra salýǵa tyrysýda.
“Brazılııada jolaýshylar tasymaly ózin-ózi retteý uıymdaryna berilgennen keıin, olar lıenzııalaý talaptaryn jeńildetti. Sonyń saldarynan avtobýstar qatysqan jol apattarynyń sany 15%-ǵa ósip, zardap shekkender sany artty. Bul bizge sabaq bolýy kerek.”
“Qazaqstanda jol apattary jyl saıyn júzdegen adamnyń ómirin jalmaıdy. Osyndaı jaǵdaıda, jol qaýipsizdigin qamtamasyz etý jaýapkershiligin ózin-ózi retteý uıymdaryna tapsyrý – aqylǵa qonymsyz sheshim.”
“Taksısterdi qosymsha jarna tóleýge májbúrleý – halyqqa aýyr tıedi”
Sársenǵalıevtiń aıtýynsha, úkimet jańa zań jobasy arqyly árbir taksı júrgizýshisin ózin-ózi retteý uıymyna múshelikke kirgizip, jarna tóleýge mindettemek.
“Depýtattar bul normany synǵa alǵanda, mınıstrlik “taksı qyzmetimen aınalysatyn mobıldi qosymshalarǵa tirkelgen jeke kásipkerler ǵana jarna tóleıdi” dep sendirdi. Biraq mindetti tólemder engizilse, bul jolaýshy tasymaly qyzmetiniń qymbattaýyna ákeledi, onyń saldarynan qarapaıym halyq zardap shegedi.”
“Taksı jáne avtobýs tasymaly salasyna ózin-ózi retteý uıymyn engizý – tutas salany belgili bir toptyń qolyna ótkizip, monopolııa jasaýǵa aparatyn tikeleı jol. Sondyqtan biz, “Amanat” frakııasynyń bir top depýtaty, bul qısynsyz sheshimdi toqtatý úshin zańǵa naqty ózgerister engizdik. Barlyq áriptesterimizdi jáne Úkimet ókilderin osy túzetýlerdi qoldaýǵa shaqyramyn.”
Depýtat sonymen qatar mınıstrliktiń kólikti 5 mınýttan artyq otaldyryp qoıýǵa tyıym salý týraly sheshimin qaıta qaraýdy talap etti.
