«Talantty bapkerler óz elimizden qoldaý tappaı, shetel asyp jatyr»: Prezıdent sport salasynda jemqorlyq faktileri týraly aıtty

Foto: ashyq derekkóz

Prezıdent búginde ár óńir qandaı sportty qoldaıtyny týraly sheshimdi óz betinshe qabyldaıtynyn synǵa aldy. Úkimetke jaǵdaıdy baqylaýǵa alyp, sportqa qatysty mekemelerdiń barlyq deńgeıindegi basqarý vertıkalin qalpyna keltirý jóninde tapsyrma berdi. Bul týraly qandastar.kz Stan.kz aqparat agenttigine silteme jasap habarlaıdy.

Memleket basshysynyń aıtýynsha, sońǵy bes jylda joǵary jetistikter sportyna shyǵyn eki ese ósken, biraq soǵan laıyq nátıje joq.

«Salalyq mınıstrlik, Ulttyq olımpıada komıteti, óńirlerdegi sport basqarmalary men federaııalardyń jumysynda olqylyq kóp dep sanaımyn. Qazirgi jaǵdaıǵa qaraǵanda, sport fýnkıonerleri salany damytýmen emes, mıllıardtaǵan bıýdjet qarjysyn ıgerýmen álek. Olar túpki nátıjege bas aýyrtpaıdy. Sport salasynda jemqorlyq faktileri jıi kezdesedi. Mundaıǵa jol berýge bolmaıdy!» – dedi Toqaev.

Prezıdent ár óńir qandaı sportty qoldaıtyny týraly sheshimdi óz betinshe qabyldaıtynyn synǵa aldy.

Sonymen qatar ol sport salasyna joǵary bilikti mamandardy tartý úshin qolaıly jaǵdaı jasaý kerek ekenin aıtty.

«Olar basqa elge baryp, jas sportshylardy tárbıeleıdi. Basqa memlekettiń ulttyq qurama komandalaryn álemdik dodalarǵa daıyndaıdy. Mysaly, osy Olımpıada oıyndarynda Týnıs eliniń thekvondodan ulttyq quramasy qazaq bapkeri Esbol Sultanovtyń jetekshiligimen eki medal jeńip aldy, onyń bireýi – altyn medal. Bapkerlerge jan-jaqty qoldaý kórsetý sharalaryn qolǵa alý kerek.  Myqty bapkerler mektebin jasaqtaý qajet», – dedi Toqaev.

Eske salaıyq, buǵan deıin Qasym-JomartToqaev Olımpıada oıyndarynyń júldegerlerimen kezdeskeni týraly habarlaǵan edik.