«تالانتتىلاردى ءولتىرىپ جاتىرمىز»: باپكەر بوكستاعى باس تورەشىگە اقشا جيناۋ تۋرالى ايتتى

فوتو: instagram.com/mukhit_amantayev

12-13 جاستاعى سپورتشىلار اراسىندا قازاقستان چەمپيوناتى وتەدى. سول جەردە باس تورەشىلىك ەتەتىن ادامدى مونشاعا اپارىپ كۇتۋىڭ كەرەك. ول ءبىزدىڭ بالالاردىڭ جەرەبەسىن جەڭىل جاساپ بەرۋ كەرەك, باس تورەشىگە اقشا جيناۋىڭ كەرەك.

الەۋمەتتىك جەلىدە تانىمال باپكەر, بوكستان حالىقارالىق دارەجەدەگى سپورت شەبەرى مۇحيت امانتاەۆ قازاق بوكسشىلارىنىڭ كەمشىلىگىن جىپكە ءتىزدى. ءتىپتى باپكەرلەردىڭ جاس سپورتشىلارعا جاسايتىن قياناتىن جايىپ سالدى, دەپ حابارلايدى Skifnews.kz اقپارات پورتالى.

ونىڭ ايتۋىنشا, جارىسقا ىرىكتەۋدەن ءوتۋ ءۇشىن ءجاسوسپىرىم سپورتشىلاردىڭ ءوزى ۇلكەن قياناتقا ۇشىرايدى. بۇل تۋرالى جەلىدەگى پاراقشاسىندا ايتتى.

«ءبىزدىڭ بوكسشىلار سوزىلىپ, لاعىپ جۇرەدى. مىنەز جوق. ءبىرىنشى راۋندتان باستاپ ءوزىڭنىڭ جەڭىسكە دەگەن قۇشتارلىعىڭدى كورسەتۋ كەرەك. سوندا سوڭىندا لوتورەيا سياقتى كۇتپەي, مەن ءۇش راۋند بويى بوكس كورسەتتىم دەپ, سەنىمدى تۇراسىڭ. بۇيىرمادى دەيسىڭدەر, قاشان بولادى سوندا? كەلەسى وليمپياداعا سەندەر باراسىڭدار ما, بارمايسىڭدار ما. ول ۇلكەن سۇراق. وزبەك بوكسشىلارى وتە مىقتى. ءدال مەن ويلاعانداي ارەكەت ەتىپ جاتىر. جۇلقىنادى, ۇرادى, مىنەز كورسەتەدى. ولار ەڭ از دەگەندە 3-4 التىن الادى. ەكى بوكسشىسى دا ەكى دۇركىن وليمپيادا چەمپيونى بولسا, سەندەر وزبەكتەرگە جۋىردا جەتە المايسىڭدار. وزبەكتەر وزىپ كەتتى», – دەدى سپورتشى.

باپكەر ءتىپتى قازاقستاننىڭ بوكس سالاسىنىڭ دامۋىنا جەمقورلىقتىڭ كەرى اسەر ەتىپ جاتقانىن العا تارتتى.

«قازاق بوكسى تۋرالى ايتايىن. 12-13 جاستاعى سپورتشىلار اراسىندا قازاقستان چەمپيوناتى وتەدى. سول جەردە باس تورەشىلىك ەتەتىن ادامدى مونشاعا اپارىپ كۇتۋىڭ كەرەك. ول ءبىزدىڭ بالالاردىڭ جەرەبەسىن جەڭىل جاساپ بەرۋ كەرەك, باس تورەشىگە اقشا جيناۋىڭ كەرەك. وسىلاي جالعاسا بەرەدى. ال, ءبىز قازاقستاننىڭ بولاشاعى باستالاتىن جەردە تالانتتىلاردى ءولتىرىپ جاتىرمىز. ناعىز مىقتى جىگىتتەردىڭ جەڭىسىن الىپ, كوكەسى بار, اكەسى وليگارح بالالارعا بەرەدى. وسىنداي ارەكەتتەرمەن ءبىز قازاق بوكسىن ءولتىرىپ جاتىرمىز», – دەدى باپكەر.