«Talanttylardy óltirip jatyrmyz»: Bapker bokstaǵy bas tóreshige aqsha jınaý týraly aıtty

Foto: instagram.com/mukhit_amantayev

12-13 jastaǵy sportshylar arasynda Qazaqstan chempıonaty ótedi. Sol jerde bas tóreshilik etetin adamdy monshaǵa aparyp kútýiń kerek. Ol bizdiń balalardyń jerebesin jeńil jasap berý kerek, bas tóreshige aqsha jınaýyń kerek.

Áleýmettik jelide tanymal bapker, bokstan halyqaralyq dárejedegi sport sheberi Muhıt Amantaev qazaq boksshylarynyń kemshiligin jipke tizdi. Tipti bapkerlerdiń jas sportshylarǵa jasaıtyn qııanatyn jaıyp saldy, dep habarlaıdy Skifnews.kz aqparat portaly.

Onyń aıtýynsha, jarysqa irikteýden ótý úshin jasóspirim sportshylardyń ózi úlken qııanatqa ushyraıdy. Bul týraly jelidegi paraqshasynda aıtty.

«Bizdiń boksshylar sozylyp, laǵyp júredi. Minez joq. Birinshi raýndtan bastap ózińniń jeńiske degen qushtarlyǵyńdy kórsetý kerek. Sonda sońynda lotoreıa sııaqty kútpeı, men úsh raýnd boıy boks kórsettim dep, senimdi turasyń. Buıyrmady deısińder, qashan bolady sonda? Kelesi olımpıadaǵa sender barasyńdar ma, barmaısyńdar ma. Ol úlken suraq. О́zbek boksshylary óte myqty. Dál men oılaǵandaı áreket etip jatyr. Julqynady, urady, minez kórsetedi. Olar eń az degende 3-4 altyn alady. Eki boksshysy da eki dúrkin olımpıada chempıony bolsa, sender ózbekterge jýyrda jete almaısyńdar. О́zbekter ozyp ketti», – dedi sportshy.

Bapker tipti Qazaqstannyń boks salasynyń damýyna jemqorlyqtyń keri áser etip jatqanyn alǵa tartty.

«Qazaq boksy týraly aıtaıyn. 12-13 jastaǵy sportshylar arasynda Qazaqstan chempıonaty ótedi. Sol jerde bas tóreshilik etetin adamdy monshaǵa aparyp kútýiń kerek. Ol bizdiń balalardyń jerebesin jeńil jasap berý kerek, bas tóreshige aqsha jınaýyń kerek. Osylaı jalǵasa beredi. Al, biz Qazaqstannyń bolashaǵy bastalatyn jerde talanttylardy óltirip jatyrmyz. Naǵyz myqty jigitterdiń jeńisin alyp, kókesi bar, ákesi olıgarh balalarǵa beredi. Osyndaı árekettermen biz qazaq boksyn óltirip jatyrmyz», – dedi bapker.