«تالدىكول كەك الىپ جاتىر»: استانادا جاياۋ جۇرگىنشىلەر جولاعى وپىرىلىپ, قىز بالا ىشىنە ءتۇسىپ كەتتى

فوتو: instagram.com/astanovka98

استانانىڭ ەسىل اۋدانىندا جاياۋ جۇرگىنشىلەر جولاعى وپىرىلىپ, قىز بالا زارداپ شەكتى, دەپ جازدى qandastar.kz

بۇل تۋرالى Stan.kzاقپارات اگەنتتىگى Astanovka 98 پاراقشاسىنا سىلتەمە جاساپ حابارلايدى.

«استانادا ءبىر قىز شۇڭقۇرعا ءتۇسىپ كەتتى. ول «قوبىز سارايى» ماڭىنداعى جاياۋ جۇرگىنشىلەر جولاعىمەن كەتىپ بارا جاتقاندا تاس توسەۋىش وپىرىلىپ كەتكەن. كۋاگەرلەر شۇڭقىردىڭ تەرەڭدىگى ءبىر مەترگە جۋىق ەكەنىن, شۇڭقىر تۇبىنەن سۋ كورىنگەنىن ايتادى», – دەلىنگەن جازبادا.

شۇڭقىرعا قۇلاعان قىز ءبىر جەرىن اۋىرتىپ جىلاپ قالعان.

جەلى قولدانۋشىلارى جازبا استىنا ءتۇرلى پىكىر ءبىلدىرىپتى.

«سول جاعالاۋ باتپاق ۇستىندە تۇر», «ويتكەنى ءبارى قالاي بولسا, سولاي جاسالادى», «جەر استى سۋلارى, تالدىكول كەك الىپ جاتىر, ول بارلىق جەردەن شىعىپ جاتىر», «كولدىڭ بەتىن توپىراقپەن جاپقانمەن, ول ءبارىبىر تەسىپ شىعاتىن جەر تابادى», – دەپ جازعان جەلى قولدانۋشىلارى.