«Taldykól kek alyp jatyr»: Astanada jaıaý júrginshiler jolaǵy opyrylyp, qyz bala ishine túsip ketti

Foto: instagram.com/astanovka98

Astananyń Esil aýdanynda jaıaý júrginshiler jolaǵy opyrylyp, qyz bala zardap shekti, dep jazdy qandastar.kz

Bul týraly Stan.kzaqparat agenttigi Astanovka 98 paraqshasyna silteme jasap habarlaıdy.

«Astanada bir qyz shuńqurǵa túsip ketti. Ol «Qobyz saraıy» mańyndaǵy jaıaý júrginshiler jolaǵymen ketip bara jatqanda tas tóseýish opyrylyp ketken. Kýágerler shuńqyrdyń tereńdigi bir metrge jýyq ekenin, shuńqyr túbinen sý kóringenin aıtady», – delingen jazbada.

Shuńqyrǵa qulaǵan qyz bir jerin aýyrtyp jylap qalǵan.

Jeli qoldanýshylary jazba astyna túrli pikir bildiripti.

«Sol jaǵalaý batpaq ústinde tur», «О́ıtkeni bári qalaı bolsa, solaı jasalady», «Jer asty sýlary, Taldykól kek alyp jatyr, ol barlyq jerden shyǵyp jatyr», «Kóldiń betin topyraqpen japqanmen, ol báribir tesip shyǵatyn jer tabady», – dep jazǵan jeli qoldanýshylary.