تالعار اكىم سايلاۋى ءوتىپ جاتىر

فوتو: اشىق دەرەككوز

بۇگىن تالعاردا قالانىڭ جاڭا اكىمىن سايلاۋ ءجۇرىپ جاتىر, دەپ جازدى qandastar.kz

اۋماقتىق سايلاۋ كوميسسياسىنىڭ مالىمەتىنشە, سايلاۋ 26 سايلاۋ ۋچاسكەسىندە ساعات 7.00-دەن 20.00-گە دەيىن وتەدى. تالعاردا بارلىعى 42 مىڭ 774 سايلاۋشى تىركەلگەن.

تالعار قالاسىنىڭ اكىمى لاۋازىمىنا ءۇش ۇمىتكەر تالاسىپ جاتىر:

ارىستانبەك ابىلقايىر ۇلى, 41 جاستا, «اmanat» پارتياسىنىڭ كانديداتى. تالعار قالاسى, «تالعار تۇرعىن ءۇي» جشس باسشىسى;

كادەنوۆ جانىبەك جانبولات ۇلى, 33 جاستا, حالىق پارتياسىنىڭ كانديداتى. «تالعار اۋدانى اكىمىنىڭ اپپاراتى» مم قارجى-شارۋاشىلىق ءبولىمىنىڭ باس مامانى, تالعار قالاسى.

رامازانوۆ الىبەك عايسا ۇلى, 42 جاستا, ءوزىن-ءوزى ۇسىنعان كانديدات. «بەساعاش اۋىلدىق وكرۋگى اكىمىنىڭ اپپاراتى» مم, تالعار اۋدانى اكىمىنىڭ ورىنباسارى.

تالعاردىڭ بۇرىنعى اكىمى باقىت كۇرىشبەكوۆ 15 قازاندا كامەلەتكە تولماعان شەرزات پولاتتىڭ ولىمىنە قاتىستى قىزمەتىنەن بوساتىلعان ەدى.