تالعاردا 16 جاستاعى بالانى ءولتىردى دەگەن كۇدىكتىلەردىڭ سۋرەتى جاريالاندى

فوتو: اشىق دەرەككوز

تالعاردا بوزبالانى ءولتىردى دەگەن كۇدىكتىلەردىڭ سۋرەتى تارادى, دەپ حابارلايدى qandastar.kz Qaz365.kz سايتىنا سىلتەمە جاساپ. 

جەلىدەگى فوتودا جەتەۋىنىڭ سۋرەتى بار. ونىڭ ەكەۋىنىڭ سوتتالعانى جازىلعان. شەرزاتقا پىشاق سۇققان جىگىت بۇرىن سوتتالعانى, 2000 جىلى دۇنيەگە كەلگەنى كورسەتىلگەن. ال ءاۋ باستا سىراعا بارعان جىگىت – 1993 جىلعى كورىنەدى.

ايتا كەتەيىك, بۇگىن الماتى وبلىستىق پروكۋراتۋراسى سوت سانكتسياسىمەن جەتى ادام قاماۋعا الىنعانىن حابارلاعان ەدى.

بۇل وقيعا 4 قازاندا بولعان. بالانىڭ اكەسى جالعا دۇكەن الىپ, ساۋدا جاساعان. توبەلەس وسى دۇكەننەن باستالعان. ءبىر جاس جىگىت دۇكەنگە كەلىپ, ءبىر قۇتى سىرا الىپ, اقشاسىن تولەمەي كەتە بارعان.

بولات سىرانىڭ اقشاسىن تولەۋدى تالاپ ەتكەن. ارادا جانجال تۋىنداعان. بولاتتىڭ ءىنىسى مەن ۇلى, 16 جاستاعى شەرزات كليەنتتەن كەتۋدى سۇراعان.

بىراق سىرا العان جىگىت دوستارىنا قوڭىراۋ سوعىپ, دۇكەنگە ءۇش كولىكپەن ءبىر توپ جىگىت كەلگەن. اراسىندا ءۇش-ءتورت قىز دا بولعان.