جاڭالىقتار

تالعاردا 19 جاستاعى جىگىت باسقارعان قىلمىستىق توپ ۇستالدى

فوتو:polisia.kz

الماتى وبلىسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى تالعار اۋدانىندا قورقىتىپ الۋمەن جانە توناۋمەن اينالىسقان قىلمىستىق توپتىڭ ارەكەتىن اشكەرەلەدى, – دەپ حابارلايدى qandastar.kz

تەرگەۋ بارىسىندا بەلگىلى بولعانداي, قىلمىستىق سحەمانىڭ ۇيىمداستىرۋشىسى – قاينازار اۋىلىنىڭ 19 جاستاعى تۇرعىنى. ول ءوز سىبايلاستارىمەن بىرگە قۇرباندارىن الەۋمەتتىك جەلى ارقىلى ىزدەپ, ولاردى قيتۇرقى ارەكەتكە تۇسىرگەن.

قىلمىستىق توپتىڭ قۇرامىندا 17 جاستاعى قىز بولعان. ول قۇرباندارىمەن تانىسىپ, كەزدەسۋگە ۇسىنىس جاساپ, ولاردىڭ سەنىمىنە كىرگەن. الايدا بىرەر ۋاقىتتان سوڭ كەنەتتەن ءوزىن «اعالارىمىز» دەپ تانىستىرعان ءبىر توپ جاس جىگىت كەلىپ, جابىرلەنۋشىنى قورقىتا باستاعان. قاسكويلەر جالعان ايىپ تاعىپ, جىنىستىق قاتىناسقا قاتىستى ايىپتاۋلار ارقىلى اقشا تالاپ ەتكەن. كەي جاعدايلاردا كۇش قولدانۋدان دا تايىنباعان. ولار جابىرلەنۋشىلەردىڭ باعالى زاتتارى مەن قۇجاتتارىن تارتىپ الىپ, قوماقتى قاراجات اۋدارۋعا ماجبۇرلەگەن.

وسىلايشا 6 اقپاندا قىلمىستىق توپتىڭ قۇربانى 24 جاستاعى الماتى قالاسىنىڭ تۇرعىنى بولعان. ونى بوپسالاۋشىلار كۇشتەپ ۇستاپ, جەكە قۇجاتتارى مەن كولىك قۇجاتتارىن تارتىپ العان. سونداي-اق 100 000 تەڭگە اۋدارۋدى تالاپ ەتكەن. بۇعان قوسا ولار جابىرلەنۋشىنى قورقىتىپ, تاعى 1,4 ملن تەڭگە بەرۋگە ماجبۇرلەمەك بولعان.

– جەدەل-ىزدەستىرۋ ءىس-شارالارى بارىسىندا پوليتسيا قىزمەتكەرلەرى قىلمىستىق توپتىڭ بارلىق مۇشەلەرىن انىقتاپ, ۇستادى. ولاردىڭ ۇستىنەن بوپسالاۋ فاكتىسى بويىنشا قىلمىستىق ءىس قوزعالدى. جالپى سانى جەتى ادام پوليتسياعا جەتكىزىلدى, ونىڭ تورتەۋى نەگىزگى كۇدىكتى رەتىندە ۋاقىتشا ۇستاۋ يزولياتورىنا قامالدى. قازىرگى تاڭدا تەرگەۋ جالعاسىپ, ولاردىڭ وزگە دە قىلمىستارعا قاتىسى بار-جوعى انىقتالۋدا, – دەپ حابارلادى وبلىستىق پوليتسيا وكىلدەرى.

قۇقىق قورعاۋ ورگاندارى قىلمىستىق توپتىڭ وزگە دە قۇرباندارى بولۋى مۇمكىن ەكەنىن جوققا شىعارمايدى. وسىعان بايلانىستى زارداپ شەككەندەر بولسا, پوليتسياعا حابارلاسۋىن سۇرايدى. تەرگەۋ امالدارى جالعاسۋدا.

ىلمەكتەر

وسى ايداردا

دوباۆيت كوممەنتاري

Close