Talǵarda 19 jastaǵy jigit basqarǵan qylmystyq top ustaldy

Foto:polisia.kz

Almaty oblysy Polıııa departamentiniń Uıymdasqan qylmysqa qarsy kúres basqarmasy Talǵar aýdanynda qorqytyp alýmen jáne tonaýmen aınalysqan qylmystyq toptyń áreketin áshkereledi, – dep habarlaıdy qandastar.kz

Tergeý barysynda belgili bolǵandaı, qylmystyq shemanyń uıymdastyrýshysy – Qaınazar aýylynyń 19 jastaǵy turǵyny. Ol óz sybaılastarymen birge qurbandaryn áleýmettik jeli arqyly izdep, olardy qıturqy áreketke túsirgen.

Qylmystyq toptyń quramynda 17 jastaǵy qyz bolǵan. Ol qurbandarymen tanysyp, kezdesýge usynys jasap, olardyń senimine kirgen. Alaıda birer ýaqyttan soń kenetten ózin «aǵalarymyz» dep tanystyrǵan bir top jas jigit kelip, jábirlenýshini qorqyta bastaǵan. Qaskóıler jalǵan aıyp taǵyp, jynystyq qatynasqa qatysty aıyptaýlar arqyly aqsha talap etken. Keı jaǵdaılarda kúsh qoldanýdan da taıynbaǵan. Olar jábirlenýshilerdiń baǵaly zattary men qujattaryn tartyp alyp, qomaqty qarajat aýdarýǵa májbúrlegen.

Osylaısha 6 aqpanda qylmystyq toptyń qurbany 24 jastaǵy Almaty qalasynyń turǵyny bolǵan. Ony bopsalaýshylar kúshtep ustap, jeke qujattary men kólik qujattaryn tartyp alǵan. Sondaı-aq 100 000 teńge aýdarýdy talap etken. Buǵan qosa olar jábirlenýshini qorqytyp, taǵy 1,4 mln teńge berýge májbúrlemek bolǵan.

– Jedel-izdestirý is-sharalary barysynda polıııa qyzmetkerleri qylmystyq toptyń barlyq múshelerin anyqtap, ustady. Olardyń ústinen bopsalaý faktisi boıynsha qylmystyq is qozǵaldy. Jalpy sany jeti adam polıııaǵa jetkizildi, onyń tórteýi negizgi kúdikti retinde ýaqytsha ustaý ızolıatoryna qamaldy. Qazirgi tańda tergeý jalǵasyp, olardyń ózge de qylmystarǵa qatysy bar-joǵy anyqtalýda, – dep habarlady oblystyq polıııa ókilderi.

Quqyq qorǵaý organdary qylmystyq toptyń ózge de qurbandary bolýy múmkin ekenin joqqa shyǵarmaıdy. Osyǵan baılanysty zardap shekkender bolsa, polıııaǵa habarlasýyn suraıdy. Tergeý amaldary jalǵasýda.