تالعاردا ورتەنگەن مارقۇم شەرزاتتىڭ ۇيىنە ىشكى ىستەر ءمينيسترىنىڭ ورىنباسارى كەلدى

فوتو: اشىق دنرەككوز

ىشكى ىستەر ءمينيسترىنىڭ ءبىرىنشى ورىنباسارى باۋىرجان الەنوۆ تالعار ماڭىنداعى اۋىلدا ورتەنگەن ۇيگە كەلدى, دەپ حابارلايدى qandastar.kz Malim.kz-كە سىلتەمە جاساپ.

ىشكى ىستەر ءمينيسترىنىڭ تاپسىرماسى بويىنشا مەن وقيعا ورنىنا كەلدىم. جەدەل-تەرگەۋ توبى قۇرىلدى. مەنىمەن بىرگە ىشكى ىستەر مينيسترلىگىنىڭ وكىلدەرى قىزمەت اتقارۋدا. بەينەجازبالار تەكسەرىلىپ, كۋاگەرلەردى انىقتاۋ جۇمىستارى جۇرگىزىلىپ جاتىر. قىلمىسكەرلەر ۇستالىپ, جاۋاپقا تارتىلاتىن بولادى. قىلمىستىق ءىس ءمينيستردىڭ ەرەكشە باقىلاۋىندا, دەدى باۋىرجان الەنوۆ.

ايتا كەتەيىك, تۇندە شەرزاتتىڭ ءۇيى تولىعىمەن ورتكە ورانعان ەدى. بۇل جاعدايعا بايلانىستى پوليتسيا بوتەننىڭ مۇلكىن قاساقانا جويۋ دەرەگىمەن ءىس قوزعاپ, وتباسىنا پوليتسيا كۇزەتىن قويىپ, باس پروكۋراتۋرا دا بۇل ماسەلەنى ءجىتى باقىلاۋعا العانىن حابارلاعان.

ماتەريالدى قولدانعان جاعدايدا, باستاپقى 1 نەمەسە 2-سويلەمدە malim.kz سايتىنا گيپەرسىلتەمە بەرۋىڭىزدى سۇرايمىز. اۆتورلىق قۇقىقتى قۇرمەتتەگەنىڭىزگە العىس ايتامىز.