جاڭالىقتار
تالعاردا پوليتسيا «حۋتورلىق باندا» تۋرالى ايتقان تۇرعىندى «جىندىحاناعا» الىپ كەتكەن
فوتو: t.me/obozhau1
جۋرناليست اسحات نيازوۆقا سۇحبات بەرىپ, تالعارداعى قىلمىستىق ارەكەتتەر مەن «حۋتورسكي» قىلمىستىق توبى تۋرالى ايتقان جەرگىلىكتى تۇرعىندى پوليتسيا ۇستاپ, «جىندىحاناعا» الىپ كەتكەن, دەپ حابارلايدى Ulysmedia.kz.
وقيعانىڭ ءمان-جايى
بۇل تۋرالى ارىپتەسىمىز ءوزىنىڭ Telegram-ارناسىندا جازدى.
قازىرگى ۋاقىتتا پوليتسيا تالعارداعى «حۋتورلىقتار» تۋرالى ايتقان كەيىپكەرلەردىڭ ءبىرىن ۇستادى. ونى پسيحياتريالىق اۋرۋحاناعا اپارىپ جاتىر, – دەدى اسحات نيازوۆ.
جۋرناليست قاتىگەزدىكپەن ولتىرىلگەن ءجاسوسپىرىم شەرزات بولاتتىڭ كورشىسىمەن بىرگە بۇرىن «حۋتور» دەپ اتالعان رىسقۇلوۆ اۋىلىنا بارعان. سىرتتا قاۋىپتى بولعاندىقتان سۇحبات كولىكتىڭ ىشىندە جازىلعان.
تۇرعىن سۇحبات بارىسىندا «حۋتورسكي» ۇيىمداسقان قىلمىستىق توبى بار ەكەنىن جەتكىزىپ, ولاردىڭ ارەكەتتەرى تۋرالى ايتقان. الايدا جۋرناليست كەيىپكەرىنىڭ ءوزى بۇرىن سوتتى بولعانىن ەسكەرتىپ, ايتقاندارىنا سەنۋ-سەنبەۋدى كورەرمەننىڭ قالاۋىنا قالدىرعان.
تالعارداعى قاندى وقيعا
ەسكە سالا كەتەيىك, الماتى وبلىسىندا جاس جىگىتتەر جابىلىپ, 16 جاستاعى ءجاسوسپىرىم شەرزات بولاتتى ولتىرگەنى ءدۇيىم جۇرتتى ءدۇر سىلكىندىرگەن. ءبىر توپ جىگىت ءجاسوسپىرىمدى تەپكىلەپ جاتقانىن ماڭايداعى تۇرعىندار ۆيدەوعا ءتۇسىرىپ العان. بۇزاقىلار ەشكىمدى اياماپتى.
پروكۋراتۋرا تالعارداعى ءجاسوسپىرىمنىڭ ولىمىنە قاتىستى مالىمدەمە جاساپ, «ءادىل تەرگەۋگە كەپىلدىك بەرەمىز» دەپ اقپارات تاراتقان. الايدا تەرگەۋشىلەرگە سەنبەگەن مارقۇمنىڭ تۋعان-تۋىستارى كوشەگە شىعىپ, ادىلدىكتى تالاپ ەتتى. ولار سول ءتۇنى بولعان 13 ادامنىڭ ورنىنا 7 ادامنىڭ عانا قامالعانىنا نارازىلىق ءبىلدىردى.
قازا تاپقان ءجاسوسپىرىمنىڭ اكەسى بەينەباقىلاۋ كامەراسىنىڭ جازباسىن الدەكىمدەر ءوشىرىپ تاستاعانىن ايتقان ەدى. الايدا ءىىم ول مالىمەتتى جوققا شىعاردى. 9 قازاندا دەپۋتات نارتاي ارالباي ۇلى باس پروكۋرور بەرىك اسىلوۆقا, ىشكى ىستەر ءمينيسترى ەرجان سادەنوۆكە جانە وقۋ-اعارتۋ ءمينيسترى عاني بەيسەمباەۆقا دەپۋتاتتىق ساۋال جولداپ, 16 جاسار ازاماتتى ولتىرگەن, جاقىندارىن اياۋسىز ساباعان قىلمىسكەرلەر قاماۋعا الىنىپ, ولارعا زاڭعا سايكەس ءادىل جازا بەرىلۋى ءتيىس دەپ ماسەلە كوتەردى. ال ونىڭ ارىپتەسى ابزال قۇسپان قىلمىستىق كودەكستىڭ 201-بابىن (سوتقا دەيىنگى تەرگەپ-تەكسەرۋ دەرەكتەرiن جاريا ەتۋگە جول بەرمەۋ) وزگەرتۋ كەرەك دەپ ەسەپتەيدى. بۇل قاجەتتىلىك ونىڭ سوزىنشە, تالعارداعى ءجاسوسپىرىمنىڭ ولىمىنەن كەيىن ايقىن سەزىلگەن.
Ulysmedia.kz كۇدىكتىلەردىڭ ءبىرى تاياۋدا قىلمىستىق جاۋاپكەرشىلىككە تارتىلىپ, جازاسىن وتەۋى كەرەك بولعانىن, ەكىنشى كۇدىكتى جاۋاپكەرشىلىكتەن جالتارىپ كەتكەنىن انىقتاعان ەدى. 12 قازانعا قاراعان ءتۇنى مارقۇمنىڭ وتباسىنىڭ ءۇيى ورتەنىپ كەتتى. شەرزاتتىڭ تۋىستارى ءورتتى كۇدىكتى تاراپتىڭ ارەكەتىمەن بايلانىستىرادى. قايعى ۇستىنە قايعىعا دۋشار بولعان نۇرىموۆ اۋلەتىنىڭ بيلىككە قويار ەكى-اق تالابى بار.
