Talǵarda polıııa «hýtorlyq banda» týraly aıtqan turǵyndy «jyndyhanaǵa» alyp ketken

Foto: t.me/obozhau1

Jýrnalıst Ashat Nııazovqa suhbat berip, Talǵardaǵy qylmystyq áreketter men «Hýtorskıı» qylmystyq toby týraly aıtqan jergilikti turǵyndy polıııa ustap, «jyndyhanaǵa» alyp ketken, dep habarlaıdy Ulysmedia.kz.

Oqıǵanyń mán-jaıy

Bul týraly áriptesimiz óziniń Telegram-arnasynda jazdy.

Qazirgi ýaqytta polıııa Talǵardaǵy «hýtorlyqtar» týraly aıtqan keıipkerlerdiń birin ustady. Ony psıhıatrııalyq aýrýhanaǵa aparyp jatyr, – dedi Ashat Nııazov.

Jýrnalıst qatygezdikpen óltirilgen jasóspirim Sherzat Bolattyń kórshisimen birge buryn «Hýtor» dep atalǵan Rysqulov aýylyna barǵan. Syrtta qaýipti bolǵandyqtan suhbat kóliktiń ishinde jazylǵan.

Turǵyn suhbat barysynda «Hýtorskıı» uıymdasqan qylmystyq toby bar ekenin jetkizip, olardyń áreketteri týraly aıtqan. Alaıda jýrnalıst keıipkeriniń ózi buryn sotty bolǵanyn eskertip, aıtqandaryna sený-senbeýdi kórermenniń qalaýyna qaldyrǵan.

Talǵardaǵy qandy oqıǵa

Eske sala keteıik, Almaty oblysynda jas jigitter jabylyp, 16 jastaǵy jasóspirim Sherzat Bolatty óltirgeni dúıim jurtty dúr silkindirgen. Bir top jigit jasóspirimdi tepkilep jatqanyn mańaıdaǵy turǵyndar vıdeoǵa túsirip alǵan. Buzaqylar eshkimdi aıamapty.

Prokýratýra Talǵardaǵy jasóspirimniń ólimine qatysty málimdeme jasap, «ádil tergeýge kepildik beremiz» dep aqparat taratqan. Alaıda tergeýshilerge senbegen marqumnyń týǵan-týystary kóshege shyǵyp, ádildikti talap etti. Olar sol túni bolǵan 13 adamnyń ornyna 7 adamnyń ǵana qamalǵanyna narazylyq bildirdi.

Qaza tapqan jasóspirimniń ákesi beınebaqylaý kamerasynyń jazbasyn áldekimder óshirip tastaǵanyn aıtqan edi. Alaıda IIM ol málimetti joqqa shyǵardy. 9 qazanda depýtat Nartaı Aralbaıuly bas prokýror Berik Asylovqa, ishki ister mınıstri Erjan Sádenovke jáne oqý-aǵartý mınıstri Ǵanı Beısembaevqa depýtattyq saýal joldap, 16 jasar azamatty óltirgen, jaqyndaryn aıaýsyz sabaǵan qylmyskerler qamaýǵa alynyp, olarǵa zańǵa sáıkes ádil jaza berilýi tıis dep másele kóterdi. Al onyń áriptesi Abzal Quspan qylmystyq kodekstiń 201-babyn (sotqa deıingi tergep-tekserý derekterin jarııa etýge jol bermeý) ózgertý kerek dep esepteıdi. Bul qajettilik onyń sózinshe, Talǵardaǵy jasóspirimniń óliminen keıin aıqyn sezilgen.

Ulysmedia.kz kúdiktilerdiń biri taıaýda qylmystyq jaýapkershilikke tartylyp, jazasyn óteýi kerek bolǵanyn, ekinshi kúdikti jaýapkershilikten jaltaryp ketkenin anyqtaǵan edi. 12 qazanǵa qaraǵan túni marqumnyń otbasynyń úıi órtenip ketti. Sherzattyń týystary órtti kúdikti taraptyń áreketimen baılanystyrady. Qaıǵy ústine qaıǵyǵa dýshar bolǵan Nurymov áýletiniń bılikke qoıar eki-aq talaby bar.