جاڭالىقتار
تالعاردا جوعالعان تۋريست تابىلدى
فوتو: اشىق دەرەككوز
الماتى وبلىسىنىڭ تجد قۇتقارۋشىلارى تالعار ماڭىنداعى تاۋلى قامىستان ءتۋريستى تاۋىپ الدى, دەپ حابارلادى qandastar.kz
ىزدەۋ جۇمىستارى 12 قاڭتاردا ىلە الاتاۋ تاۋىندا باستالعان. تجد پاراقشاسىنداعى حابارلاماعا سايكەس, تۋريست «ۇلكەن الماتى اينالما جولى» مارشرۋتىمەن جۇرگەن دەگەن بولجام ايتىلعان.
قۇتقارۋ وپەراتسياسى جەر بەتىندە دە, اۋەدە دە, تىكۇشاقتاردى قولدانا وتىرىپ جۇرگىزىلدى.
«بۇگىن 14:00-دە قۇتقارۋشىلار بىرلەسكەن وپەراتسيانىڭ ناتيجەسىندە جوعالىپ كەتكەن ءتۋريستى سول جاق تالعار اۋدانىنان, كۇندىزگى الاڭنىڭ جوعارى جاعىنان تاۋىپ الدى. ازامات تىكۇشاقپەن اۋەدەن شولۋ كەزىندە قامىس اراسىنان تابىلدى», — دەپ حابارلادى تجد.
ۆەدومستۆو وكىلدەرىنىڭ ايتۋىنشا, ەر ادامنىڭ جاعدايى قالىپتى.
