جاڭالىقتار
تالعارداعى قايعىلى وقيعا: بەينەباقىلاۋ كامەرالارىنىڭ جازبالارى وشىرىلگەنى راس پا?
فوتو: اشىق دەرەككوز
الەۋمەتتىك جەلىلەر مەن بۇقارالىق اقپارات قۇرالدارىندا تالعار اۋدانىنداعى قايعىلى وقيعا بولعان جەردەن بەينەباقىلاۋ كامەرالارىنىڭ جازبالارى ءوشىرىلدى دەگەن حابار تارادى, – دەپ حابارلايدى Massaget.kz تىلشىسى.
الايدا الماتى وبلىسى پوليتسيا دەپارتامەنتى مۇنى جوققا شىعاردى.
ۆەدومستۆو سوتقا دەيىنگى تەرگەپ-تەكسەرۋ شەڭبەرىندە بارلىق قولدا بار بەينەجازبالار پوليتسيا تاراپىنان تاركىلەنىپ, قىلمىستىق ءىس ماتەريالدارىنا زاتتاي دالەل رەتىندە تىركەلگەنىن حابارلادى.
«قازىرگى ۋاقىتتا تەرگەۋ بارىسىندا بارلىق بەينەجازبالار زەرتتەلىپ, وقيعاعا قاتىسۋشىلاردىڭ ارەكەتتەرىنە قۇقىقتىق باعا بەرىلەتىن بولادى. تەك رەسمي اقپاراتقا سەنۋگە شاقىرامىز جانە جالعان اقپاراتتى تاراتۋ قىلمىستىق جاۋاپكەرشىلىككە دەيىن اكەلۋى مۇمكىن ەكەنىن ەسكە سالامىز», – دەلىنگەن حابارلامادا.
