Talǵardaǵy qandy oqıǵadan keıin sógis alǵan aýdan ákiminiń orynbasary aýrýhanaǵa túsip qaldy

Almaty oblysy Talǵar aýdany ákiminiń orynbasary Aıbek Bıdaevtyń aýrýhanaǵa túskeni belgili boldy, dep habarlaıdy qandastar.kz   Dalanews.kz-ke silteme jasap.

Aıbek Bıdaevtyń aýrýhanada jatqanyn Ulysmedia.kz derekkózine ákimniń baspasóz qyzmeti rastaǵan. Alaıda ákim orynbasarynyń aýrýhanaǵa túsýine qandaı jaǵdaı áser etkeni týraly aqparat joq.

Aýdandyq ákimdiktegi kadr bóliminiń basshysy Bıdaev syrqatynyń sebebi eńbekke jaramsyzdyq paraǵyn alǵannan keıin ǵana belgili bolatynyn aıtty.

Aıta keteıik, Talǵardaǵy tragedııadan keıin Talǵar aýdanynyń ákimi Aıdarbekov Tańat pen onyń orynbasary Aıbek Bıdaevqa sógis jarııalandy. 

Sonymen qatar Talǵar qalasynyń ákimi Qýatbekuly Bahyt Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatylǵanyn jazǵan edik.

Sondaı-aq “Hýtor” bandasynyń basshysy delingen Hasan Qasymbaevtyń aǵasy Talǵar aýdany ákimi apparatynyń basshysy Aslan Qasymbaev ta qyzmetinen ketken edi.

Eske salaıyq, buǵan deıin Talǵarda jappaı tóbeles bolyp, saldarynan 16 jastaǵy jasóspirim kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aıtýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaıdan keıin tóbeles bastalǵan.

Kámeletke tolmaǵan balany óltirý faktisi boıynsha Almaty oblysynyń polıııa departamenti qylmystyq is qozǵady.

Qazirgi tańda kináli dep tanylǵan 7 adam ustalyp, ýaqytsha ustaý ızolıatoryna qamaýǵa alynǵan.

15 qazanda Ishki ister vıe-mınıstri taǵy úsh kúdiktini ustaǵanyn málim etti.

Al 18 qazanda taǵy bir kúdiktini qolǵa túsirdi.

Sonymen qatar, Almaty oblystyq polıııa departamenti bastyǵynyń mindetin atqarýshy Shalqarov tóbelesten keıin qansha qarý tárkilengenin aıtty.

Odan keıin Sherzattyń úıine kúzet qoıyldy.

Kóp uzamaı marqum Sherzattyń úıi órtendi.