جاڭالىقتار
تالعارداعى وقيعاعا بايلانىستى سوت وتىرىسى اشىق ءوتۋى مۇمكىن
فوتو: وردا.كز
16 جاستاعى شەرزات بولاتتىڭ ولىمىنە اكەپ سوققان جانجال سىرادان باستالماعان. سەبەبى ءالى انىقتالۋدا, – دەپ حابارلايدى qandastar.kz
ءىس بويىنشا 10 ادام كۇدىكتى دەپ تانىلدى. ونىڭ ىشىندە ەكەۋى يپپودرومدا ات باپتايدى. بىرەۋى شىمبۇلاقتا ءارتۇرلى جۇمىستار ىستەيدى. بىرەۋى اقبۇلاقتا كۇزەتشى. ەكەۋى ءسان سالونىندا ەڭبەك ەتەدى.
جاس ەرەكشەلىكتەرى بويىنشا ەڭ كىشكەنتايى 24 جاستا, ۇلكەنى 31 جاستا.
پروكۋراتۋرا ونلاين فورماتتا اشىق سوت پروتسەستىن وتكىزۋدى تالاپ ەتپەكشى.
ايتا كەتەيىك, شەرزات پولاتتىڭ ءىسىن قولعا العان ادۆوكاتتار ءىستىڭ ماتەريالدارىنداعى ۆيدەونى جاريالاۋ فاكتىسى بويىنشا پوليتسياعا شاعىم ءتۇسىردى. پوليتسياعا جەلىدە تاراپ كەتكەن ۆيدەولارعا قاتىستى شاعىم بەرگەنى جايلى قورعاۋشىلار Justice_for_Sherzat پاراقشاسىندا مالىمدەدى.
«بارشاڭىزعا قولداۋ بىلدىرگەندەردەرىڭىز ءۇشىن راقمەت. ارينە, ءبىز سىزدەردىڭ بارلىق حابارلامالارىڭىزدى كورىپ وتىرمىز. بۇل ماسەلەنىڭ جەدەل شەشىلەتىنىنە ۇمىتتەنەمىز. ىشكى ىستەر مينيسترلىگىنەن جاۋاپ كۇتەمىز» دەپ جازىلعان قۇقىق قورعاۋشى توپتىڭ پاراقشاسىندا.
