تالعارداعى تراگەديا: كشتتو «بوتوفەرماعا» قاتىستى مالىمدەمە جاسادى

كيبەرشابۋىلداردى تالداۋ جانە تەرگەۋ ورتالىعى قازاقستانداعى بوتوفەرما بەلسەندىلىگىنىڭ قالىپتان تىس ءوسىمىن تىركەگەن, دەپ qandastar.kz اقپارات پورتالى كشتتو-عا سىلتەمە جاساپ حابارلايدى.

ورتالىقتىڭ Telegram-داعى مالىمەتىنە سۇيەنسەك, اپتا باسىنان بەرى كيبەرشابۋىلداردى تالداۋ جانە تەرگەۋ ورتالىعى الەۋمەتتىك جەلىدە تالعارداعى تراگەديانى تالقىلاۋعا بايلانىستى قالىپتان تىس بەلسەندىلىكتى انىقتاعان.

كشتتو ماماندارىنىڭ مالىمدەۋىنشە, مۇنداي جازبالاردىڭ باسىم بولىگى TikTok جانە Instagram جەلىسىندە جاريالانعان. ولاردىڭ كەيبىرى بىرنەشە كۇندە ءجۇز مىڭداعان قارالىپ جيناپ جاتىر. ال ۆيدەوداعى ميتينگىلەر شىندىققا جاناسپايدى.

«وسى ماڭىزدى وقيعاعا دەگەن قىزىعۋشىلىقتى الدەكىمدەر ءوز كۇن ءتارتىبىن ىلگەرىلەتۋ ءۇشىن پايدالانىپ جاتىر. الماتىدا جانە باسقا قالالاردا وتكەن ميتينگىلەر تۋرالى جالعان اقپارات پايدا بولدى. پاراقشالار مەن پىكىرلەردى (50 مىڭنان اسا) تالداۋ بوتتاردىڭ ۇيلەسىمدى جۇمىس ىستەپ جاتقانىن كورسەتتى. وسى رەتتە ءبىز كەز كەلگەن اقپاراتقا سىني كوزقاراسپەن قاراۋعا جانە جەلىدەگى مالىمەتتىڭ دەرەككوزىن ەكى رەت تەكسەرۋگە شاقىرامىز!», — دەلىنگەن حابارلامادا.