Talǵardaǵy tragedııa: KShTTO «botofermaǵa» qatysty málimdeme jasady

Kıbershabýyldardy taldaý jáne tergeý ortalyǵy Qazaqstandaǵy botoferma belsendiliginiń qalyptan tys ósimin tirkegen, dep qandastar.kz aqparat portaly KShTTO-ǵa silteme jasap habarlaıdy.

Ortalyqtyń Telegram-daǵy málimetine súıensek, apta basynan beri Kıbershabýyldardy taldaý jáne tergeý ortalyǵy áleýmettik jelide Talǵardaǵy tragedııany talqylaýǵa baılanysty qalyptan tys belsendilikti anyqtaǵan.

KShTTO mamandarynyń málimdeýinshe, mundaı jazbalardyń basym bóligi TikTok jáne Instagram jelisinde jarııalanǵan. Olardyń keıbiri birneshe kúnde júz myńdaǵan qaralyp jınap jatyr. Al vıdeodaǵy mıtıngiler shyndyqqa janaspaıdy.

«Osy mańyzdy oqıǵaǵa degen qyzyǵýshylyqty áldekimder óz kún tártibin ilgeriletý úshin paıdalanyp jatyr. Almatyda jáne basqa qalalarda ótken mıtıngiler týraly jalǵan aqparat paıda boldy. Paraqshalar men pikirlerdi (50 myńnan asa) taldaý bottardyń úılesimdi jumys istep jatqanyn kórsetti. Osy rette biz kez kelgen aqparatqa synı kózqaraspen qaraýǵa jáne jelidegi málimettiń derekkózin eki ret tekserýge shaqyramyz!», — delingen habarlamada.