Talǵardan Sherzat Bolattyń aǵasynyń denesi tabyldy

Foto: Ulysmedia

Talǵardyń shetinde kámeletke tolmaǵan adamdy óltirý isimen baılanysty er adamnyń denesi tabyldy, dep jazdy qandastar.kz

– Talǵar qalasynyń mańynan 30 jastaǵy er adamnyń denesi tabyldy. Aldyn ala málimetterge sáıkes, ol asylyp, óz-ózine qol salǵan.  Marqum bıyl 4 qazanda qaza tapqan kámeletke tolmaǵan Sherzat Polattyń aǵasy ekeni anyqtaldy. Osy fakti boıynsha qylmystyq is qozǵaldy. Qazirgi ýaqytta barlyq jaǵdaılardy anyqtaý úshin tergeý amaldary júrgizilýde. Osy ýaqytta qylmystyq sıpattaǵy qandaı da bir belgiler anyqtalmady, – delingen polıııa habarlamasynda.

Polıııa marqum Sh. Bolattyń otbasy barlyq ýaqytta polıeılerdiń qorǵaýynda bolǵanyn atap ótedi.

– Osy ýaqytqa deıin marqumnyń otbasyna tóngen qandaı da bir qaýip-qater tirkelgen joq. Kúzetken qyzmetkerlerdiń túsindirmelerine sáıkes, er adam kúzetiletin obektiden saǵat 23:30-da shyǵyp ketip, jeke avtokólikpen ketkeni anyqtaldy. Tergeý múddesi úshin ózge de aqparat jarııalaýǵa jatpaıdy, – delingen habarlamada.

Sherzat Bolat tarapynyń advokaty Saıda Táýekelova marqumnyń aǵasy Nurqanat Ǵaıypbaev kóz jumǵanyn rastady. Telegram-arnalarda “Sherzat Bolattyń aǵasy tóbeles kezinde qarýdy birinshi alyp shyqqan, sol úshin ózin aıypty sezinip, óz-ózine qol salǵan” degen aqparat taraǵan. Advokat Táýekelova bul nusqany teristedi.