«Talǵat Ermegııaev túrmege túspegende, aýyr atletıka jaratyn edi». Almas О́teshov dopıng qabyldaǵanyn moıyndady

Foto: ashyq derekkóz

Aýyr atletıkadan álem chempıonatynyń kúmis júldegeri Almas О́teshov «Ýaqyt kórsetedi» Youtube-jobasyna bergen suhbatynda dopıng qabyldaǵanyn moıyndady, – dep habarlaıdy Massaget.kz tilshisi.

Burynǵy sportshynyń aıtýynsha, dopıng degen arnaıy dári joq, ol gormonaldyq preparattar jınaǵy.

«Dopıng degen dári joq. Qarapaıym aspırın ishseńiz de, ol dopıng bolyp sanalady. Bul jaı ǵana ataýy ǵoı. Biraq onyń ishinde testosteron sekildisi de bar. Bizge osynyń bárin salady», – dedi ol.

Sondaı-aq, ol sportshylardyń dopıng qabyldaýyna salany basqaratyn mınıstrdiń ózi septigin tıgizetinin aıtty.

«Qazaqstan Ulttyq dopıngke qarsy ortalyǵymen bizdiń mınıstrler kelisedi. Onyń bári aqsha. Bizde «dvoınık» degen bar. Mysaly, meniń dvoınıgim inim boldy. Olar bizdi tekserýge kelgende Aıdos degen inim Almas О́teshov bolyp qan, dáretin tapsyrady. О́ıtkeni ol jaqta bári kelisilip qoıǵan. Ilıa Ilınniń óziniń aǵasy bar, onyń ornyna aǵasy tapsyrady. Bul jerde bári korrýpııa ǵoı», – dedi ol.

Almas О́teshov óziniń dopıng qabyldaǵanyn moıyndap, eger sportshy dopıng qabyldamasa, mundaı aýyr salmaq kótere almaıtynyn túsindirdi.

«Eger bir jyldan keıin qańtarda Álem chempıonaty ótetin bolsa, biz qańtarǵa deıin dopıng qabyldaımyz. Men ony moıyndaımyn. Ol jaqta preparattyń túr-túri bar. Mysaly, testosteron propıanaty sekildi dáriler. Bári gormonaldy dári ǵoı. Onyń bárin tolyq qabyldaımyz. Olsyz salmaq kóterý múmkin emes. Men ózimniń taza salmaǵym, densaýlyǵymmen 200 keli ǵana kóteremin. Dáriniń bárin ishkennen keıin taǵy 30 keli qosylady. Bizge qandaı dári iship, qandaı dári salyp jatqanyn bilemiz.

Ol ýaqytta mınıstr kóp aýysty, olardyń qatarynda Arystanbek Muhamedıuly, Talǵat Ermegııaev bári boldy.

Munyń bári sol mınıstrlerdiń tirligi. Barlyq sıstema bir ǵoı. Mysaly, Qazaqstan Vengrııaǵa tekseriske kelgende dopıng týraly bári biledi. Iaǵnı, mınıstr tekserýge kelgendermen ózi kelisedi. О́ıtkeni Talǵat Ermegııaevqa bizdiń jeńisimiz kerek. Biraq ol kisi óte jaqsy adam boldy. Men ózim ol kisini jaqsy kóremin. Eger ol kisi túrmege túspegende biz dopıngpen ustalyp, aýyr atletıkadan ketpeıtin edik. О́ıtkeni ol Tamash Aıanmen tikeleı kelisetin jalǵyz adam edi, basqalar kelise almaıtyn. Talǵat Ermegııaev túrmege túspegende, aýyr atletıka jaratyn edi. Brazılııadaǵy búkil altyndy biz alatyn edik. Talǵat Ermegııaevty qyzmetinen alyp tastady, al onyń ornyna kelgender ana jaqpen kelise almaıdy», – dedi ol.

Sonymen qatar, ol Álem chempıonatynda júldeger atanǵany úshin memleket syılaǵan baspanany qaıta qaıtarý kerek dep sanamaıtyn kórinedi.

«Ilıa Ilınniń de dopıng qabyldaǵany ótirik emes, biz bárimiz dopıng qabyldadyq. Biz eshkimdi aldaǵan joqpyz. Dopıng qabyldaǵanym jarııa bolǵannan keıin de maǵan syılanǵan úıdi qaıtarǵan joqpyn. Men ony nege qaıtarýym qajet? Biz eldiń týyn kóterdik qoı, memleket te bizdi paıdalandy. Bizge dárini Qytaı nemese Reseı ákep bergen joq qoı, bizge ony ózimizdiń úkimet berdi», – dedi ol.