تالعات وماروۆ: قازاقستاندا ءدارى-دارمەك تىم قىمبات

ەلىمىزدە فارماتسەۆتيكالىق پرەپاراتتاردىڭ قۇنى سوڭعى ءبىر جىلدا 11%-كە ءوستى, – دەپ حابارلايدى qandastar.kz

قازاقستان تاۋەلسىز ءدارىحانالار قاۋىمداستىعىنىڭ باسشىسى تالعات وماروۆ  بىزدە ءدارى-دارمەكتىڭ باعاسى كورشىلەس مەملەكەتتەرمەن سالىستىرعاندا ەداۋىر قىمبات ەكەنىن ايتىپ وتىر.

«قازاقستانداعى ءدارى-دارمەكتىڭ باعاسى كورشىلەس مەملەكەتتەرمەن سالىستىرعاندا تىم قىمبات. ءتىپتى, 400-500 پروتسەنتكە جەتىپ جاتادى. جالپى باعانىڭ وسۋىنە اۋەلى ينفلياتسيا اسەر ەتەدى.

پاراتسەتومول قازىر 130 تەڭگە تۇرسا, تاڭبالاۋ ەنگىزىلگەننەن كەيىن 300-400, ءتىپتى 500 تەڭگە بولاتىن شىعار. ءبىزدىڭ كورشىلەس رەسەيدە تاڭبالاۋ ەنگىزىلگەنى بايقالادى. بۇگىن ءسىز ءشپريتستى 25 تەڭگەگە ساتىپ الدىڭىز دەلىك. ەگەر ونى 75 تەڭگەگە كودتاساق, ول 100 تەڭگەگە شىعادى. بۇل – ءدارى ەمەس, جاي شپريتس», – دەيدى ول.

سونىمەن قاتار ول قورلانعان بارلىق ماسەلە قر دەنساۋلىق ساقتاۋ مينيسترلىگىنىڭ دارىلىك زاتتاردىڭ شەكتى باعاسى تۋرالى ءتيىستى بۇيرىعىمەن بايلانىستى ەكەنىن ايتادى.