«تالگو» پويىزدارىنىڭ قوزعالىس باعىتى وزگەرتىلدى

فوتو:«جولاۋشىلار تاسىمالى» اق

«جولاۋشىلار تاسىمالى» اق استانا مەن الماتى قالالارى اراسىندا قاتىنايتىن № 4/3 جانە № 10/9 «تالگو» پويىزدارىنىڭ قوزعالىس باعىتىنا وزگەرىستەر ەنگىزىلگەنىن مالىمدەدى, — دەپ حابارلايدى qandastar.kz

 2025 جىلدىڭ ءساۋىر ايىنان باستاپ بۇل پويىزدار شۋ ستانساسىنا توقتاماي, تىكەلەي مارشرۋتپەن قاتىنايتىن بولادى.

شۋ ستانساسى – تەمىرجول جەلىسىندەگى توراپتىق ماڭىزى بار نىسان جانە مۇندا لوكوموتيۆ اۋىستىرۋ جۇمىسى تالاپ ەتىلەدى. اتالعان وزگەرىس لوگيستيكانى وڭتايلاندىرۋعا, سونداي-اق استانا مەن الماتى اراسىنداعى جول ءجۇرۋ ۋاقىتىن قىسقارتۋعا باعىتتالعان. سونىمەن قاتار شۋ ستانساسىندا جولاۋشىلار لەگىنىڭ تومەندىگى دە ەسكەرىلگەن.

شۋ ستانساسىندا وتىرعىسى نەمەسە تۇسكىسى كەلگەن جولاۋشىلار ءۇشىن بالاما باعىتتار قاراستىرىلعان. بۇل باعىتتاردا ستاندارتتى ۆاگونداردان قۇرالعان الەۋمەتتىك ماڭىزى بار پويىزدار, سونداي-اق كەلەسى «تالگو» قۇرامدارى قاتىنايدى:

استانا مەن شۋ اراسىنداعى پويىزدار:

• № 72/71 «استانا – شىمكەنت»

• № 86/85 «استانا – شىمكەنت»

شۋ مەن الماتى اراسىنداعى پويىزدار:

• № 1/2 «تاشكەنت – الماتى»

• № 11/12 «شىمكەنت – الماتى»

• № 25/26 «شىمكەنت – الماتى»

• № 27/28 «ورال – الماتى»

«جولاۋشىلار تاسىمالى» اق جولاۋشىلاردان ەنگىزىلگەن وزگەرىستەرگە تۇسىنىستىكپەن قاراۋدى جانە كەلتىرىلگەن قولايسىزدىقتار ءۇشىن كەشىرىم سۇرايدى, — دەلىنگەن حابارلامادا.