«Tamaq pen temeki ákelmese, úıge kirgizbegen»: Atyraýlyq ana balalarynan aıyrylýy múmkin

Foto t.me/atyrauoill

Atyraý oblysynda 14 jastaǵy jasóspirim men onyń úsh jasar qaryndasyna qatysty oqıǵa qoǵam nazaryn aýdardy, dep habarlaıdy qandastar.kz

Áleýmettik jelilerde taraǵan beınejazbalarda jasóspirimniń úıine kire almaı, syrtta júrgen sátteri kórsetilgen. Kýágerlerdiń aıtýynsha, bala ata-anasynyń talabymen úıge azyq-túlik pen temeki ákelýge májbúr bolǵan.

Osy otbasynda úsh jasar qyz bala da turady. Kórshilerdiń sózine qaraǵanda, olardyń anasy ishimdikke áýes, al aǵasy turaqty jumysy joq. Úıge jıi mas kúıinde bóten adamdar kelip, balalar ata-ananyń qaraýynsyz qalady eken.

Atyraý oblystyq polıııa departamenti bul jaǵdaıǵa qatysty túsinikteme berip, eki balanyń qaýipsizdigi úshin olardy otbasynan alyp ketkenin rastady.

– 14 jastaǵy jasóspirim Kámeletke tolmaǵandardy beıimdeý ortalyǵyna ornalastyryldy, al úsh jasar qaryndasy sábıler úıine tapsyryldy. Ata-anasy balalarǵa qajetti kútim men qaýipsizdikti qamtamasyz etpegen, – dep habarlady vedomstvo.

Polıııa ókilderi, buǵan qosa, bir jyl buryn da osy otbasynyń ata-ana jaýapkershiligin oryndamaǵany úshin ákimshilik jaýapkershilikke tartylǵanyn málimdedi.

Qazirgi ýaqytta is materıaldary kámeletke tolmaǵandar isi jónindegi komıssııanyń qaraýyna jiberildi. Komıssııa otyrysynda balanyń anasyn ata-ana quqyǵynan aıyrý máselesi qaralatyn bolady.