«تاڭەرتەڭ اۋعانستانعا اتتانامىز»: قارا حيدجاب كيىپ, كوك تۋ جامىلعان قىزدار جۇرتتى شوشىتتى

Tiktok الەۋمەتتىك جەلىسىندە بەت-اۋزىن قارا نيكابپەن تۇمشالاعان 7 قىزدىڭ ۆيدەوسى جاريالاندى, دەپ حابارلايدى qandastar.kz.

ۆيدەودا 7 قىز «قازاقستان رەسپۋبليكاسىنا قىزمەت ەتەمىن!» ءانىن قويىپ, كوككە قاراپ ساۋساقتارىن شوشايتقان.

بۇل ارەكەت جەلى قولدانۋشىلارىنىڭ ۇرەيىن تۋدىردى.

«قورقىنىشتى, اپالارىمىز بۇلاي كيىنبەگەن. بىلاي كيىنگەن قاتە, دۇرىس ەمەس. جامىلعاننىڭ ىشىندە قارۋ بارلارى بار شىعار. بايقاۋ كەرەك. ارابقۇلدار. قازىرگى زاماننىڭ نيندزيالارى», — دەپ جازعان ولار.

ۆيدەونىڭ اۆتورى بولسا جازىلعان پىكىرلەرگە جاۋاپ بەرە وتىرىپ, «بولدى حالقىم, تاڭ ازانمەن اۋعانستانعا كەتەمىز» دەپ جازعان.