مادەنيەت
تانىمال ءانشى ARO قامالدى
فوتو: yandex.kz
ARO لاقاپ اتىمەن تانىلعان قازاقستاندىق ءانشى ارمان كومەك ۇلى 15 تاۋلىككە قامالدى, دەپ حابارلايدى qandastar.kz Massaget.kz سايتىنا سىلتەمە جاساپ.
ونىڭ ايتۋىنشا, وقيعا كەشە بولعان.
«كەشە شالياپين بويىندا كەلە جاتقانىمىزدا ءبىزدى جول-پاترۋلدىك پوليتسياسى توقتاتتى. سەبەبى كولىگىمىزدىڭ ساقتاندىرۋى جوق ەكەن. مەن ءرولدى ماساڭ قالىپتا ايداعان جوقپىن, ساۋ كىسىگە – اعاما بەرگەن بولاتىنمىن. سول كىسىدەن كۇدىكتەنىپ, ساراپتاماعا الىپ بارىپ, قانىنان جاعىمسىز زاتتار تابىلىپ, نە كەرەك, 15 كۇنگە كەتىپ بارا جاتىرمىن. جازىقسىز كەتىپ بارا جاتقان سەكىلدىمىن. ويتكەنى ءوزىمنىڭ كولىگىمدى ساۋ ادامعا بەردىم دەپ ويلادىم», – دەپ جازدى ول.
ءانشى سونىمەن بىرگە سوتقا اپەللياتسيا بەرۋ ءۇشىن ادۆوكات ىزدەيتىنىن دە مالىمدەدى.
