جاڭالىقتار
تانىمال ءانشى ءبىر كۇندە اناسى مەن اپكەسىنەن ايىرىلدى
فوتو: ©️ instagram/mariahcarey
تانىمال امەريكاندىق ءانشى مەرايا كەري ءبىر كۇندە اناسى پاتريسيا مەن تۋعان اپكەسى ەليسوننان ايىرىلدى. قايعىلى وقيعا تۋرالى TMZ باسىلىمى مالىمدەدى, دەپ حابارلايدى El.kz اقپارات اگەنتتىگى.
دەمالىس كۇنى انامنان كوز جازىپ قالدىق, جۇرەگىم ءتىلىم-ءتىلىم بولدى. وكىنىشكە قاراي, سول كۇنى اپكەم دە باقيلىققا اتتاندى, – دەدى 55 جاستاعى ونەر يەسى.
ءانشىنىڭ سوزىنە قاراعاندا, ول سوڭعى ۋاقىتتا حال ۇستىندە جاتقان اناسىنىڭ جانىندا بولعان.
سوڭعى ءبىر اپتادا انامنىڭ قاسىندا بولدىم, سول ءۇشىن دە باقىتتىمىن, – دەپ قوستى ول.
دەگەنمەن كەري ەكەۋىنىڭ ولىمىنە نە سەبەپ بولعانىن اشىپ ايتپاعان.
باسىلىم مەرايا كەريدىڭ اناسىمەن قارىم-قاتىناسى قيىن بولعانىن العا تارتادى. ءانشى بۇل تۋرالى ءوزىنىڭ كىتابىندا دا جازعان. سويتە تۇرا ول اناسىنا العىسى شەكسىز ەكەنىن دە جەتكىزگەن.
