Jańalyqtar
Tanymal ánshi bir kúnde anasy men ápkesinen aıyryldy
Foto: ©️ instagram/mariahcarey
Tanymal amerıkandyq ánshi Meraııa Kerı bir kúnde anasy Patrısııa men týǵan ápkesi Elısonnan aıyryldy. Qaıǵyly oqıǵa týraly TMZ basylymy málimdedi, dep habarlaıdy El.kz aqparat agenttigi.
Demalys kúni anamnan kóz jazyp qaldyq, júregim tilim-tilim boldy. О́kinishke qaraı, sol kúni ápkem de baqılyqqa attandy, – dedi 55 jastaǵy óner ıesi.
Ánshiniń sózine qaraǵanda, ol sońǵy ýaqytta hal ústinde jatqan anasynyń janynda bolǵan.
Sońǵy bir aptada anamnyń qasynda boldym, sol úshin de baqyttymyn, – dep qosty ol.
Degenmen Kerı ekeýiniń ólimine ne sebep bolǵanyn ashyp aıtpaǵan.
Basylym Meraııa Kerıdiń anasymen qarym-qatynasy qıyn bolǵanyn alǵa tartady. Ánshi bul týraly óziniń kitabynda da jazǵan. Sóıte tura ol anasyna alǵysy sheksiz ekenin de jetkizgen.