تانىمال ءانشى گۇلنار سيقىمباەۆا قايتىس بولدى

فوتو: facebook.com/ورالحان ءداۋىت

قازاقستاننىڭ ەڭبەك سىڭىرگەن ءارتىسى گۇلنار سيقىمباەۆا قايتىس بولدى, دەپ حابارلايدى Ulysmedia.kz.

بۇل تۋرالى جۋرناليست ورالحان ءداۋىت الەۋمەتتىك جەلىدەگى پاراقشاسىندا جازىپ, ونەر يەسىنىڭ جانازاسى ەرتەڭ وقىلاتىنىن ايتتى.

قايران, گۇلنار اپكە… ءبىر اۋىلدا تۋىپ-وسسەك تە جۇزبە-ءجۇز سويلەسۋدى اللا تاعالام جازباعان ەكەن. تەلەفون ارقىلى تالاي مارتە اڭگىمەلەسىپ, سۇحبات تا الدىم. وتە اشىق جارقىن, كەرەمەت جان ەدىڭىز. ومىردەن ەرتە وتكەن اناڭىز تۋرالى ءجيى ايتىپ, مۇڭايىپ قالۋشى ەدىڭىز. ەندى مىنە, اياق استىنان اناڭىزدىڭ ارتىنان اتتانىپ كەتە بارىپسىز…
اللا تاعالام و دۇنيەڭىزدى بەرسىن.

اعايىن, بۇگىن بەلگىلى ءانشى, قازاقستان رەسپۋبليكاسىنىڭ ەڭبەك سىڭىرگەن ءارتيسى گۇلنار سيقىمباەۆا قايتىس بولدى.
جانازاسى ەرتەڭ تۇركىستان وبلىسى تولەبي اۋدانى جامبىل اۋىلىندا وتەدى,- دەپ جازدى ول.

گۇلنار سيقىمباەۆا

وڭتۇستىك قازاقستان وبلىسى تولە بي اۋدانىنىڭ مايبۇلاق اۋىلىنىڭ تۋماسى. “مەن ساعان وكپەلەمەيمiن“ اتتى انىمەن ەلگە كەڭىنەن تانىمال تالانتتى ءانشىنىڭ “بيشi قايىڭ“, “قىز-قاراعاي“, “سارى بيداي“, “مەن دەپ ويلا“, “سۇيگەن جۇرەك“ “تۋعان جەر“, “ناركەسكەن“, “كۇز سەكiلدi“ سياقتى تۋىندىلاردى ناشىنە كەلتىرە ورىنداۋى ونەرسۇيەر قاۋىمنىڭ كوڭىلىنەن شىققان.