Tanymal ánshi Gúlnár Sıqymbaeva qaıtys boldy

Foto: facebook.com/Oralhan Dáýit

Qazaqstannyń eńbek sińirgen ártisi Gúlnár Sıqymbaeva qaıtys boldy, dep habarlaıdy Ulysmedia.kz.

Bul týraly jýrnalıst Oralhan Dáýit áleýmettik jelidegi paraqshasynda jazyp, óner ıesiniń janazasy erteń oqylatynyn aıtty.

Qaıran, Gúlnár ápke… Bir aýylda týyp-óssek te júzbe-júz sóılesýdi Alla Taǵalam jazbaǵan eken. Telefon arqyly talaı márte áńgimelesip, suhbat ta aldym. О́te ashyq jarqyn, keremet jan edińiz. О́mirden erte ótken anańyz týraly jıi aıtyp, muńaıyp qalýshy edińiz. Endi mine, aıaq astynan anańyzdyń artynan attanyp kete barypsyz…
Alla Taǵalam o dúnıeńizdi bersin.

Aǵaıyn, búgin belgili ánshi, Qazaqstan Respýblıkasynyń eńbek sińirgen artısi Gúlnar Sıqymbaeva qaıtys boldy.
Janazasy erteń Túrkistan oblysy Tólebı aýdany Jambyl aýylynda ótedi,- dep jazdy ol.

GÚLNÁR SIQYMBAEVA

Ońtústik Qazaqstan oblysy Tóle bı aýdanynyń Maıbulaq aýylynyń týmasy. “Men saǵan ókpelemeımin“ atty ánimen elge keńinen tanymal talantty ánshiniń “Bıshi qaıyń“, “Qyz-qaraǵaı“, “Sary bıdaı“, “Men dep oıla“, “Súıgen júrek“ “Týǵan jer“, “Narkesken“, “Kúz sekildi“ sııaqty týyndylardy náshine keltire oryndaýy ónersúıer qaýymnyń kóńilinen shyqqan.