Jańalyqtar
Tanymal banktiń jabylyp qalýynan qazaqstandyqtar zardap shege me?
Reseıdiń Ortalyq banki (Bank Rossıı) Kıvı bankti «shekteýlerdi aınalyp ótý talaptary jáne kóptegen buzýshylyqtary» úshin lıenzııasynan aıyrdy.
Saldarynan, bul Reseı turǵyndary, ishinara qazaqstandyqtar arasynda úlken dúrbeleń týǵyzýda. О́ıtkeni Qiwi-ámııandar, Contact arqyly aýdarymdar buǵattalyp qaldy. Soltústik kórshidegi onyń barlyq ofısteri jappaı jabyldy. Kıvıdiń mobıldi banki de jumys isteýin doǵardy. Klıentter ózderiniń vırtýaldy ámııandaryn ne toltyra almaı, ne ondaǵy qarajattaryn sheship ala almaı, daǵdarýda.
Kásipker, ınvestor Aleksandr Stolypınniń túsindirýinshe, reseılikter Kıvı servısterin aqsha aýdarymdaryn alý, quzyrly qurylymdardan jasyryn krıptovalıýtalar jáne basqa da aktıvter satyp alý úshin paıdalanatyn.
Sondyqtan kásibı forýmdarda saýalnamaǵa jaýap bergen sarapshylardyń jáne paıdalanýshylardyń 61,3%-y «Qiwi-banktiń jabylýynyń shyn sebebi» retinde «Reseıden aqsha shyǵarýdyń baqylanbaıtyn jolyna tosqaýyl qoıý talabyn» atady. Taǵy 37,14%-y Reseıdiń bank sektorynda aktıvterdi qaıta bólis bastaldy dep sanaıdy. 5,71%-y «Krıptorýbldi engizýge daıyndyq jasalýda» degen baılam jasady. Tek 28%-y ǵana resmı sebepterge senedi.
Reseı Ortalyq banki lıenzııany keri alýǵa atalǵan qarjylyq uıymnyń bank qyzmetin retteıtin federaldyq zańdardy buzýy sebep boldy dep, qysqasha qaıyrdy.
«Bul bank ekonomıkanyń naqty sektorynyń eleýli kredıtory bolyp tabylmaıdy. Kıvı banktiń qyzmetin toqtatý azamattardyń, kásipkerlerdiń jáne zańdy tulǵalardyń esep aıyrysý, aýdarym jasaý, sonyń ishinde shot ashpaı aqsha aýdarý múmkindikterine aıtarlyqtaı yqpal etpeıdi. Olardyń bárin ózge kredıttik uıymdar men tólem júıeleri arqyly júzege asyrýǵa bolady», – dep túsinikteme berdi Reseıdiń Ulttyq banki.
Otanyn tárk etip, shetelge qonys aýdarǵan reseılikterge kómektesip kelgen bankti baqylaýǵa kóndirý úshin Máskeý byltyrdan birtalaı talaptandy. Keıingi 12 aıda 5 ret shara qabyldaǵan, sonyń ishinde eki ret jekelegen operaııalardy iske asyrýyna shekteý qoıdy. Alaıda Kıvı bank aıtqanǵa erip, aıdaǵanǵa júrmepti.
Bul «qıqarlyqty» Reseı banki «táýekelderdi tómendetý úshin pármendi shara qabyldamady jáne táýekeldiligi joǵary operaııalardy júzege asyrýyn jalǵastyrdy» dep baǵalady. Qarjylyq retteýshi «Kıvı bank ekstremızmdi, terrorızmdi qarjylandyrý, qylmystyq jolmen alynǵan tabystardy zańdastyrý salasyndaǵy federaldyq zańnama talaptaryn júıeli buzýǵa jol berdi» dep otyr.
Biraq Reseıde Facebook, Instagram, LGBT qozǵalysy jáne basqalary da «tyıym salynǵan ekstremıstik uıymdar» retinde tanylǵan.
«Bul banktiń qyzmeti jeke tulǵalar men kóleńkeli bınes arasyndaǵy eseptesýlerdi qamtamasyz etýge baǵyttalǵan joǵary táýekeldi operaııalar júrgizýge tartyldy. Sonyń ishinde ol krıptoaıyrbastaý arqyly aqsha aýdarymdaryn júrgizdi. Zańsyz onlaın-kazıno, býkmekerlik keńselerge sol arqyly aqsha aýdaryldy. Sondaı-aq ol reseılikterge retteýshi engizetin shekteýlerdi aınalyp ótýdiń jańa tásilderin izdeýge septesti», – dep aıyptady Reseı Ortalyq banki.
