جاڭالىقتار
تانىمال بلوگەر Daricorn جاۋاپقا تارتىلدى
فوتو:
Daricorn لاقاپ اتىمەن تانىلعان الماتىلىق بلوگەر داريعا نۇركەەۆا جول-كولىك ەرەجەسىن ورەسكەل بۇزىپ, توتەنشە جاعداي تۋعىزعانى ءۇشىن جاۋاپكەرشىلىككە تارتىلدى, دەپ حابارلادى qandastar.kz
بۇل تۋرالى الماتى قالاسى پوليتسيا دەپارتامەنتى ءمالىم ەتتى.
پوليتسيانىڭ مالىمەتىنشە, بلوگەر جول قوزعالىسى ەرەجەلەرىن دەمونستراتسيالىق جانە ارانداتۋشىلىق سيپاتتا بۇزعانىن انىقتاعان. بەلگى بەرمەي, كەنەتتەن جولاقتى اۋىستىرىپ, توتەنشە جاعداي تۋدىراتىن ۆيدەو تۇسىرگەن.
«تەرگەۋ قورىتىندىسى بويىنشا قۇقىق بۇزۋشى اكىمشىلىك قۇقىق بۇزۋشىلىق تۋرالى كودەكستىڭ 595-بابىنىڭ 1-بولىگى («دابىل بەرۋ تالاپتارىن ورىنداماۋ») جانە اكىمشىلىك قۇقىق بۇزۋشىلىق تۋرالى كودەكستىڭ 606-بابىنىڭ 1-بولىگى («توتەنشە جاعداي جاساۋ») بويىنشا اكىمشىلىك جاۋاپكەرشىلىككە تارتىلدى», — دەپ حابارلادى الماتى قالالىق ءىىد.
سونداي-اق, مۇنداي ارەكەتتەر جاي عانا جاۋاپسىزدىق ەمەس, باسقالاردىڭ ءومىرى مەن دەنساۋلىعىنا قاساقانا قاۋىپ توندىرەتىنىن ەسكەرتتى.
«مۇنىڭ بارلىعى ينتەرنەتتەگى لايك پەن كوممەنتاري ءۇشىن جاسالادى. اتاق-داڭق, اقشا, وقىرمانى كوپ بولسا دا جاۋاپكەرشىلىكتەن بوساتپايدى. زاڭ بارىنە بىردەي.
ءبىز ازاماتتاردى جاۋاپكەرشىلىك پەن تارتىپكە شاقىرامىز. قاۋىپسىزدىك – ويىن نەمەسە الەۋمەتتىك كونتەنت ەمەس. بۇل – اركىمنىڭ جاۋاپكەرشىلىگى», – دەلىنگەن ۆەدومستۆادا.
