تانىمال بلوگەر: ۆيدەوداعى قىزدىڭ مەن ەمەستىگىن دالەلدەيمىن

فوتو: ۆيدەودان سكرين

تانىمال بلوگەر سابينا موۆلاەۆا جەلىدە تاراعان ۆيدەوعا قاتىستى مالىمدەمە جاسادى, دەپ جازادى qandastar.kz“TalkLike” باعدارلاماسىنا سىلتەمە جاساپ.

“بارلىق شۋ “Taboo” پودكاستىنا بارعاننان كەيىن باستالدى. سول سۇحباتتان كەيىن ەكى كۇننەن سوڭ تاڭعى 6-دا بەيتانىس ادامنان ۆيدەو كەلدى. “مىنا قىز ماعان ۇقسايدى ەكەن” دەپ ءمان بەرمەدىم. ودان كەيىن ءبىر قىز جىبەردى. ونى دا تانىمايمىن. سوسىن تانىستار جىبەرە باستادى. “سەن تۋرالى جامان ۆيدەو تارالىپ جاتىر” دەپ ەسكەرتتى. سول كەزدە-اق مۇنىمەن كۇرەسۋ كەرەگىن ءتۇسىندىم. ءالى دە جىبەرەتىندەر بار. جەكە پاراقشامدا 500-گە جۋىق اشىلماعان حات جاتىر. ءبارى پورنوۆيدەونى جىبەرگەن. TiKTok-تا 82 ميلليون قارالىم جيناپتى. ناۋرىزباي اۋدانىنىڭ پوليتسيا بولىمشەسىنە ارىز جازدىم. مىقتى ادۆوكات جالداپ, قىلمىستىق ءىس قوزعاتتىم. قۇزىرلى ورگاندار ارالاسىپ جاتىر. ەكسپەرتيزا جاساتتىم. ول جاقتا دا تەك ايەل ادامداردىڭ ساراپتاما جاساعانىن تالاپ ەتتىم. تۇگەل شەشىندىرىپ, دەنەم مەن باس سۇيەكتەرىمدى تەكسەردى. ۆيدەوداعى قىزدىڭ قۇلاقتارىنا دەيىن سالىستىردى. قورىتىندى قاعازى شىعىپ, ول قىزدىڭ مەن ەمەس ەكەنى دالەلدەندى. بىراق ءىس مۇنىمەن بىتپەيدى, ماعان جالا جاپقاندار زاڭ الدىندا جاۋاپ بەرەدى”, – دەدى سابينا.

سونداي-اق وسى وقيعا بلوگەردىڭ دەنساۋلىعىنا دا اسەر ەتكەن كورىنەدى. مەديتسينالىق تەكسەرىستەن ءوتىپ, پسيحولوگتىڭ قابىلداۋىنا جازىلعان.

“ەڭ اۋىر تيگەن ەكى ادامنىڭ ءسوزى بولدى. ءبىر قۇربىم, “ۆيدەوداعى سەن بولساڭ دا, وندا تۇرعان ەشتەڭە جوق. قازىر قىزداردىڭ ءبارى سونداي تىرلىكپەن اينالىسادى” دەپ “جۇباتتى”. سوزدەرى قاتتى اسەر ەتتى. ەگەر ول ۆيدەوداعى قىز مەن بولسام, ۇندەمەي سوزىمەن كەلىسەر ەدىم. مەن ەمەسپىن دەپ ايقايلاپ, جان داۋسىم شىعىپ تۇرسا دا, ماعان سونداي اقىل ايتتى. ودان كەيىن 65 جاستاعى اپايمەن ءبىر جارنامالىق روليككە تۇسەتىن بولدىق. ءبارىن دايىنداپ قويساق, قىزى حابارلاسىپ, “انامىز سىزبەن تۇسپەيدى, ويتكەنى ءبىزدىڭ وتباسىلىق بەدەلىمىزگە نۇقسان كەلتىرەسىز. ءسىزدىڭ ۆيدەوڭىزدى كوردىك” دەدى. قاتتى قورلانىپ, جىلاپ قالدىم. ءتىپتى دەنساۋلىعىم سىر بەرىپ, مەديتسينا قىزمەتكەرلەرىنىڭ كومەگىنە جۇگىندىم. كوشەدە كولىكتە وتىرسام, “ساعاتىڭ قانشا?!” دەپ سۇرايدى. جەكە ومىرىمە دە تەرىس اسەر ەتۋى مۇمكىن. اجىراسسام دا, ەكىنشى رەت وتباسىن قۇرىپ, باقىتتى ايەل بولعىم كەلەدى. بولاشاق كۇيەۋىم وسى جاعدايدى قالاي قابىلدايدى? ەركەكتەر ءبىر-ءبىرىنىڭ ايتقان سوزىمەن جۇرەدى ەمەس پە?! بىرەۋى بولاشاق جارىما مەن تۋرالى جاعىمسىز پىكىر ايتۋى مۇمكىن. وسى دۇنيەلەردەن قورقامىن. سول ءۇشىن ءىستى اياعىنا دەيىن جەتكىزەمىن. ۆيدەوداعى قىزدىڭ مەن ەمەس ەكەنىن دالەلدەيمىن”, – دەدى جەلى جۇلدىزى.