Tanymal bloger: Vıdeodaǵy qyzdyń men emestigin dáleldeımin

Foto: vıdeodan skrın

Tanymal bloger Sabına Movlaeva jelide taraǵan vıdeoǵa qatysty málimdeme jasady, dep jazady qandastar.kz“TalkLike” baǵdarlamasyna silteme jasap.

“Barlyq shý “Taboo” podkastyna barǵannan keıin bastaldy. Sol suhbattan keıin eki kúnnen soń tańǵy 6-da beıtanys adamnan vıdeo keldi. “Myna qyz maǵan uqsaıdy eken” dep mán bermedim. Odan keıin bir qyz jiberdi. Ony da tanymaımyn. Sosyn tanystar jibere bastady. “Sen týraly jaman vıdeo taralyp jatyr” dep eskertti. Sol kezde-aq munymen kúresý keregin túsindim. Áli de jiberetinder bar. Jeke paraqshamda 500-ge jýyq ashylmaǵan hat jatyr. Bári pornovıdeony jibergen. TiKTok-ta 82 mıllıon qaralym jınapty. Naýryzbaı aýdanynyń polıııa bólimshesine aryz jazdym. Myqty advokat jaldap, qylmystyq is qozǵattym. Quzyrly organdar aralasyp jatyr. Ekspertıza jasattym. Ol jaqta da tek áıel adamdardyń saraptama jasaǵanyn talap ettim. Túgel sheshindirip, denem men bas súıekterimdi tekserdi. Vıdeodaǵy qyzdyń qulaqtaryna deıin salystyrdy. Qorytyndy qaǵazy shyǵyp, ol qyzdyń men emes ekeni dáleldendi. Biraq is munymen bitpeıdi, maǵan jala japqandar zań aldynda jaýap beredi”, – dedi Sabına.

Sondaı-aq osy oqıǵa blogerdiń densaýlyǵyna da áser etken kórinedi. Medıınalyq tekseristen ótip, psıhologtyń qabyldaýyna jazylǵan.

“Eń aýyr tıgen eki adamnyń sózi boldy. Bir qurbym, “Vıdeodaǵy sen bolsań da, onda turǵan eshteńe joq. Qazir qyzdardyń bári sondaı tirlikpen aınalysady” dep “jubatty”. Sózderi qatty áser etti. Eger ol vıdeodaǵy qyz men bolsam, úndemeı sózimen keliser edim. Men emespin dep aıqaılap, jan daýsym shyǵyp tursa da, maǵan sondaı aqyl aıtty. Odan keıin 65 jastaǵy apaımen bir jarnamalyq rolıkke túsetin boldyq. Bárin daıyndap qoısaq, qyzy habarlasyp, “Anamyz sizben túspeıdi, óıtkeni bizdiń otbasylyq bedelimizge nuqsan keltiresiz. Sizdiń vıdeońyzdy kórdik” dedi. Qatty qorlanyp, jylap qaldym. Tipti densaýlyǵym syr berip, medıına qyzmetkerleriniń kómegine júgindim. Kóshede kólikte otyrsam, “saǵatyń qansha?!” dep suraıdy. Jeke ómirime de teris áser etýi múmkin. Ajyrassam da, ekinshi ret otbasyn quryp, baqytty áıel bolǵym keledi. Bolashaq kúıeýim osy jaǵdaıdy qalaı qabyldaıdy? Erkekter bir-biriniń aıtqan sózimen júredi emes pe?! Bireýi bolashaq jaryma men týraly jaǵymsyz pikir aıtýy múmkin. Osy dúnıelerden qorqamyn. Sol úshin isti aıaǵyna deıin jetkizemin. Vıdeodaǵy qyzdyń men emes ekenin dáleldeımin”, – dedi jeli juldyzy.