Tanymal blogerdiń kishkentaı uly kólik júrgizemin dep qorshaýǵa soǵyldy

Foto: Áleýmettik jeliden

Áleýmettik jeli qoldanýshysy, bloger Karına Oksýkpaeva óz balalarynyń aýlada kólikpen qaýip tóndiretin jaǵdaıǵa tap bolǵanyn aıtyp, beınejazba jarııalady, dep habarlaıdy Qandastar.kz.

Jazbada kórinis tapqandaı, blogerdiń qos uly úı aýlasynda turǵan kólikke otyryp, onyń biri tipti rólge jaıǵasady. Kóp uzamaı kólik ornynan qozǵalyp, úı buryshyna jáne qorshaýǵa soǵylyp baryp bir-aq toqtaıdy. Keıin balalar kólikten túsip, asyǵys ketip qalady.

Oqıǵa týraly baıandaǵan Karına hanym bul sátte kishi ulyn baqylap otyrǵanyn, sol sebepti úlkeniniń kólik kiltin alyp, syrtqa shyqqanyn baıqamaı qalǵanyn aıtty.

“Syrtqa shyqsam, kólik qozǵalyp bara jatyr. Elestetińizshi, balam rólde otyr. Men júgirip baryp, kólikti toqtattym. Bul jaǵdaıdan ózimiz úshin qandaı sabaq alýymyz kerek?” – dep bólisti bloger.