تانىمال قازاق ايتىسكەرى كوز جۇمدى

ۇستاز, مادەنيەت سالاسىنىڭ جاناشىرى سەرىك ىدىرىسوۆ جايلى شاكىرتتەرى مەن كوزىن كورگەندەر الەۋمەتتىك جەلىدە ءتۇرلى ەستەلىك جازىپ جاتىر. ول سۋىرىپ سالما اقىن رەتىندە شاپپا-شاپ ايتىستىڭ ناعىز ۇلگىسىن كورسەتە ءبىلدى, دەپ جازدى Qandastar.kz. 

– قىزىلوردا وبلىسىنىڭ مادەنيەت, ارحيۆتەر جانە قۇجاتتاما باسقارماسى, باسقارماعا قاراستى مەكەمەلەر قر «ەرەن ەڭبەگى ءۇشىن» مەدالىنىڭ يەگەرى, قر مادەنيەت جانە اقپارات مينيسترلىگىنىڭ «ەڭبەك ارداگەرى» جانە «مادەنيەت سالاسىنىڭ ۇزدىگى» توسبەلگىلەرىنىڭ يەگەرى, ايتىستىڭ اقتاڭگەرى, اقىن سەرىك ىدىرىسوۆتىڭ دۇنيەدەن وتۋىنە بايلانىستى وتباسىنىڭ, تۋعان-تۋىستارىنىڭ قايعىسىنا ورتاقتاسىپ, كوڭىل ايتادى, – دەپ جازدى باسقارمانىڭ الەۋمەتتىك جەلىدەگى رەسمي پاراقشاسى.

سەرىك ىدىرىسوۆ قورقىت اتا اتىنداعى قىزىلوردا ۋنيۆەرسيتەتىنىڭ ۇجىمى ء«داستۇرلى مۋزىكا ونەرى جانە حورەوگرافيا» ببب-نىڭ اعا وقىتۋشىسى, ۋنيۆەرسيتەت ارداگەرى بولاتىن.

«ەلىمىزگە, الەمگە تانىمال, ىقپالدى تۇلعالاردىڭ الدىندا ارناۋ ايتقانىم بار. ولاردىڭ ىشىندە فينليانديا, تۇركيا, قىرعىزستان, وزبەكستان, تۇركىمەنستان پرەزيدەنتتەرى, ءۇندىستاننىڭ پرەمەر-ءمينيسترى دە بار» دەگەن ەدى ءبىر سۇحباتىندا ايتىسكەر اقىن, مادەنيەت سالاسىنىڭ مايتالمانى.