Tanymal qazaq aıtyskeri kóz jumdy

Ustaz, mádenıet salasynyń janashyry Serik Ydyrysov jaıly shákirtteri men kózin kórgender áleýmettik jelide túrli estelik jazyp jatyr. Ol sýyryp salma aqyn retinde shappa-shap aıtystyń naǵyz úlgisin kórsete bildi, dep jazdy Qandastar.kz. 

– Qyzylorda oblysynyń mádenıet, arhıvter jáne qujattama basqarmasy, basqarmaǵa qarasty mekemeler QR «Eren eńbegi úshin» medaliniń ıegeri, QR Mádenıet jáne aqparat mınıstrliginiń «Eńbek ardageri» jáne «Mádenıet salasynyń úzdigi» tósbelgileriniń ıegeri, aıtystyń aqtańgeri, aqyn Serik Ydyrysovtyń dúnıeden ótýine baılanysty otbasynyń, týǵan-týystarynyń qaıǵysyna ortaqtasyp, kóńil aıtady, – dep jazdy basqarmanyń áleýmettik jelidegi resmı paraqshasy.

Serik Ydyrysov Qorqyt ata atyndaǵy Qyzylorda ýnıversıtetiniń ujymy «Dástúrli mýzyka óneri jáne horeografııa» BBB-nyń aǵa oqytýshysy, ýnıversıtet ardageri bolatyn.

«Elimizge, álemge tanymal, yqpaldy tulǵalardyń aldynda arnaý aıtqanym bar. Olardyń ishinde Fınlıandııa, Túrkııa, Qyrǵyzstan, О́zbekstan, Túrkimenstan prezıdentteri, Úndistannyń premer-mınıstri de bar» degen edi bir suhbatynda aıtysker aqyn, mádenıet salasynyń maıtalmany.