تانىمال قازاقستاندىق بوكسشى جانقوش تۇراروۆ بويجەتكەندى زورلادى دەپ ايىپتالدى

2024 جىلعى 21 تامىزدا تاڭەرتەڭ الەۋمەتتىك جەلىلەردە 2024 جىلعى 19 تامىزدا ساعات 23.00 شاماسىندا اۋەزوۆ اۋدانىنا قاراستى پب — نا 5-شاعىن اۋداندا زورلاۋ فاكتىسى بولدى دەگەن حابار كەلىپ ءتۇستى. وقيعا ورنىنا جەتكەن پوليتسيا قىزمەتكەرلەرى ايەلدىڭ ونى جانقوش تۇراروۆ زورلادى دەگەن ارىزىن قابىلدادى. ونى ۇستاۋ شارالارى جۇرگىزىلۋدە.

الماتى پوليتسيا دەپارتامەنتى اقپاراتقا قاتىستى بىلاي تۇسىنىكتەمە بەردى:

«كەلىپ تۇسكەن ارىزعا بايلانىستى اۋەزوۆ اۋداندىق پوليتسيا باسقارماسى قىلمىستىق ءىس قوزعادى. سوت-مەديتسينالىق ساراپتاما تاعايىندالدى. قازىر وقيعانىڭ تولىق ءمان-جايىن انىقتاۋ ءۇشىن تەرگەۋ ءجۇرىپ جاتىر.»الماتى قالالىق پوليتسيا دەپارتامەنتى ءباسپاسوز قىزمەتى

33 جاستاعى جانقوش تۇراروۆ كاسىپقوي بوكسپەن اينالىسادى. 2023 جىلدىڭ 21 ناۋرىزىنان باستاپ — ءبىرىنشى جارتىلاي ورتا سالماقتا IBO نۇسقاسى بويىنشا الەم چەمپيونى.