جاڭالىقتار
تانىمال قازاقستاندىق رەپەر ەسىرتكىمەن ۇستالدى
فوتو: اشىق دەرەككوز
اقتوبە قالاسىندا 31 جاستاعى رەپ-ورىنداۋشى ەسىرتكىگە ماس كۇيىندە كولىك جۇرگىزگەنى ءۇشىن ۇستالدى. بۇل تۋرالى وبلىستىق پوليتسيا دەپارتامەنتى حابارلادى, دەپ جازدى qandastar.kz
ۆەدومستۆو مالىمەتىنشە, قۇقىق قورعاۋشىلار توقتاتقان ساتتە كۇدىكتى كولىك تىزگىندە وتىرعان. جەكە ءتىنتۋ كەزىندە ودان ۇنتاق ءتارىزدى زات سالىنعان زيپ-پاكەت تابىلىپ, ساراپتاما ونىڭ سينتەتيكالىق ەسىرتكى ەكەنىن دالەلدەگەن.
«قازىرگى ۋاقىتتا قىلمىستىق ءىس قوزعالدى. سونداي-اق ول 15 تاۋلىككە اكىمشىلىك قاماۋعا الىنىپ, جەتى جىلعا كولىك جۇرگىزۋ قۇقىعىنان ايىرىلدى», – دەلىنگەن پوليتسيانىڭ رەسمي حابارلاماسىندا.
وسىعان دەيىن توقاەۆ توقاەۆتىڭ توراعالىعىمەن قاۋىپسىزدىك كەڭەسىنىڭ ناركوتيزمگە قارسى ءىس-قيمىل ماسەلەلەرى جونىندەگى وتىرىسى وتىپ, ەسىرتكى ساۋداسىنا كەلگەندە قاتاڭ جانە مۇلدە توزبەۋشىلىك ۇستانىمدا بولۋعا ءتيىس ەكەنى ايتىلعان.
