ءبىلىمجاڭالىقتار
تانىمال پروفەسسور كۇلاش قۇنانتاەۆا قايتىس بولدى
فوتو: اشىق دەرەككوز
پەداگوگيكا عىلىمدارىنىڭ دوكتورى, اكادەميك, پروفەسسور كۇلاش قۇنانتاەۆا قايتىس بولدى, – دەپ حابارلايدى qandastar.kz
ول – قازاق ۇلتتىق قىزدار پەداگوگيكالىق ۋنيۆەرسيتەتىن ەڭ ۇزاق ۋاقىت باسقارعان (1968-1984) رەكتور. 1952 جىلى قازاق مەملەكەتتىك قىزدار پەداگوگيكالىق ينستيتۋتىنىڭ فيلولوگيا فاكۋلتەتىنىڭ ۇزدىك تۇلەگى.
دىنمۇحامەد احمەت ۇلى قوناەۆتىڭ تىكەلەي قولداۋىمەن ۋنيۆەرسيتەتتىڭ وقۋ عيماراتتارى, كىتاپحاناسى, سپورت عيماراتى جانە جەرلەرىن كۇلاش قۇنانتايقىزى قامتاسىز ەتتى.
ياعني, ۋنيۆەرسيتەتتىڭ “التىن عاسىرى” – اتاعى مەن داڭقى, كۇلاش قۇنانتايقىزىنىڭ كەزىندە ەسەلەندى. 16 جىل بىرەگەي ءبىلىم ۇياسىنا باسشىلىق جاساعان كۇلاش قۇنانتايقىزىنىڭ باسشىلىعىمەن وقۋ عيماراتتارى مەن ءۇش جاتاقحانا سالىنىپ, پايدالانۋعا بەرىلدى. سونىمەن قاتار 1200 ادامدى ءبىر مەزگىلدە تاماقتاندىراتىن اسحانا, كىتاپحانا مەن سپورت كەشەندەرى ىسكە قوسىلدى, جاڭادان 12 زەرتحانا اشىلدى.
كۇلاش قۇنانتاەۆانىڭ تىكەلەي ىقپالىمەن «ايگۇل» ۆوكالدى-اسپاپتار ءانسامبلى قۇرىلدى. قازاق ەستراداسىندا ەڭ العاش قىزداردان قۇرالعان توپ – «ايگۇل» از ۋاقىتتىڭ ىشىندە اسەم اندەرىمەن, مۋزىكالىق جوعارى تالعامىمەن ونەرسۇيەر قاۋىمنىڭ ىستىق ىقىلاسىنا بولەندى.
سونىمەن قاتار, كۇلاش قۇنانتايقىزى, قازاق قىزدارىنىڭ ىشىنەن ەڭ ءبىرىنشى بولىپ, پەداگوگيكادان عىلىمي دارەجەسىن ماسكەۋدە: 1966 جىلى «نەكوتورىە ۆنەۋچەبنىە ترۋدوۆىە ي وبرازوۆاتەلنىە وبەدينەنيا ۋچاششيحسيا كازاحستانا» تاقىرىبىندا كانديداتتىق جانە 1981 جىلى «رازۆيتيە جەنسكوگو وبرازوۆانيا ۆ كازاحستانە (1920 – 1975)» تاقىرىبىندا دوكتورلىق ديسسەرتاتسياسىن قورعاعان.
