Tanymal professor Kúlásh Qunantaeva qaıtys boldy

Foto: ashyq derekkóz

Pedagogıka ǵylymdarynyń doktory, akademık, professor Kúlásh Qunantaeva qaıtys boldy, – dep habarlaıdy qandastar.kz

Ol – Qazaq ulttyq qyzdar pedagogıkalyq ýnıversıtetin eń uzaq ýaqyt basqarǵan (1968-1984) rektor. 1952 jyly Qazaq memlekettik qyzdar pedagogıkalyq ınstıtýtynyń fılologııa fakýltetiniń úzdik túlegi.

Dinmuhamed Ahmetuly Qonaevtiń tikeleı qoldaýymen Ýnıversıtettiń oqý ǵımarattary, kitaphanasy, sport ǵımaraty jáne jerlerin Kúlásh Qunantaıqyzy qamtasyz etti.

Iaǵnı, Ýnıversıtettiń “Altyn ǵasyry” – ataǵy men dańqy, Kúlásh Qunantaıqyzynyń kezinde eselendi. 16 jyl biregeı bilim uıasyna basshylyq jasaǵan Kúlásh Qunantaıqyzynyń basshylyǵymen oqý ǵımarattary men úsh jataqhana salynyp, paıdalanýǵa berildi. Sonymen qatar 1200 adamdy bir mezgilde tamaqtandyratyn ashana, kitaphana men sport keshenderi iske qosyldy, jańadan 12 zerthana ashyldy.

Kúlásh Qunantaevanyń tikeleı yqpalymen «Aıgúl» vokaldy-aspaptar ansambli quryldy. Qazaq estradasynda eń alǵash qyzdardan quralǵan top – «Aıgúl» az ýaqyttyń ishinde ásem ánderimen, mýzykalyq joǵary talǵamymen ónersúıer qaýymnyń ystyq yqylasyna bólendi.

Sonymen qatar, Kúlásh Qunantaıqyzy, qazaq qyzdarynyń ishinen eń birinshi bolyp, pedagogıkadan ǵylymı dárejesin Máskeýde: 1966 jyly «Nekotorye vneýchebnye trýdovye ı obrazovatelnye obedınenııa ýchaщıhsıa Kazahstana» taqyrybynda kandıdattyq jáne 1981 jyly «Razvıtıe jenskogo obrazovanııa v Kazahstane (1920 – 1975)» taqyrybynda doktorlyq dıssertaııasyn qorǵaǵan.