تانىمال تۇرىك اكتەرى سوتتالدى

ىستانبۇل قالالىق سوتى «عالامات عاسىر» تەلەحيكاياسىنداعى سۇلتان سۇلەيمەن ءىى رولىمەن تانىمال اكتەر حاليت ەرگەنچتى تەرگەۋ كەزىندە جالعان كۋالىك بەرگەنى ءۇشىن 1 جىل 10 ايعا شارتتى تۇردە جازاعا كەستى, دەپ جازادى Qandastar.kz اقپاراتتىق سايتى.

سوت العاشىندا ەرگەنچتى 2 جىل 3 ايعا باس بوستاندىعىنان ايىرعانىمەن, سوتقا دەگەن قۇرمەتى ءۇشىن جازا جەڭىلدەتىلگەن.

اكتەر ريزا كوجاوگلى دا سوتتالدى. الايدا, ەكى اكتەردىڭ دە سوتتىلىعى بولماعاندىقتان, جازا شارتتى تۇردە تاعايىندالدى. قازىر ولار تۇرمەدە وتىرعان جوق.

ۇكىم 2013 جىلى ىستامبۇلداعى گەزي ساياباعىندا ەكولوگيالىق نارازىلىقتار رەتىندە باستالىپ, ۇكىمەتكە قارسى كەڭ قوزعالىسقا ۇلاسقان جاپپاي نارازىلىقتارمەن بايلانىستى.

حاليد ەرگەنچ بۇل ىسكە كۋا رەتىندە تارتىلدى: تەرگەۋشىلەر ودان قىلمىستىق ىستەگى باستى تۇلعالاردىڭ ءبىرى, اكتەر جانە بەلسەندى مەمەت الي الوبورامەن بايلانىسى تۋرالى سۇرادى. ەرگەنچ ونىمەن قارىم-قاتىناسى تۋرالى جالعان كۋالىك بەردى دەپ ايىپتالدى, ويتكەنى ونىڭ تەلەفون ارقىلى سويلەسۋلەرى مەن دەمونستراتسيالار كەزىندە الوبورامەن تۇسكەن فوتوسۋرەتتەرى ونىڭ ايعاقتارىنا سايكەس كەلمەدى. پروكۋراتۋرا ەرگەنچتى 2 جىلدان 4 جىلعا دەيىن باس بوستاندىعىنان ايىرۋدى سۇرادى.

سوت بارىسىندا ەرگەنچ ءوز ايعاقتارىندا تەك سۇراقتارعا جاۋاپ بەرگەنىن جانە وتىرىك ايتپاعانىن ايتىپ, تاعىلعان ايىپتى جوققا شىعاردى. ول ىسكە قاتىسى بار باسقا تۇلعالارمەن, ونىڭ ىشىندە مەنەدجەر ايشا بوريممەن تانىسۋ ءۇستىرت سيپاتتا بولعانىن جانە جاقىن قارىم-قاتىناستى بىلدىرمەيتىنىن ءتۇسىندىردى. فوتوسۋرەتتەر جاريالانعاننان كەيىن اكتەر ولاردىڭ وقيعالارداعى ءرولى تۋرالى جۇرتشىلىقتى جاڭىلىستىرعاندارىن ايتىپ, قارسى شاعىم تۇسىرمەگەنىنە وكىنىش ءبىلدىردى.