تانىمال جۇلدىزدار بالالار ۇيىنە بارىپ, جاقسىلىق جاسادى

فوتو: ۆيدەودان سكرين

بەلگىلى ءانشى جانە تانىمال بلوگەرلەر ادەمى چەلەندجدى باستاپ كەتتى, دەپ حابارلادى Qandastar.kz. ءانشى داستان ورازبەكوۆ الماتىداعى ءبىر مەكتەپ وقۋشىلارىنان «جاقسىلىق جاسا» چەلەندجىن قابىل الىپ, رەسپۋبليكا كۇنى قارساڭىندا كوشەدە كەزدەسكەن كەز كەلگەن نازىكجاندىلارعا گۇل ۇسىندى.

«جاقسىلىق جاساۋ ءۇشىن اقشانىڭ كوپ بولۋى, تابىستىڭ مول بولۋى مىندەتتى ەمەس. باستىسى نيەت, باستىسى جۇرەك! ءسىز دە #جاقسىلىقجاسا حەشتەگىن قويىپ, چەلەندجدى جالعاستىرا الاسىز. قاربالاس تىرشىلىكتە ءبىر مەزەت توقتاپ, اينالاڭىزعا جاقسىلىق نۇرىن سەبىڭىز», – دەپ جازدى ءانشى.

وسىلايشا ونەر جۇلدىزى ەستافەتانى ارىپتەسى عادىلبەك جانايعا ۇسىندى. ارتىنشا عادىلبەك جاناي بەلگىلى كاسىپكەر, ءارى بلوگەر الماسبەك باتىروۆ پەن قىزىلوردالىق كاسىپكەر ادىلەت بايناشەۆ ۇشەۋى الماتىداعى بالالار ۇيىنە باردى.

«كاسىپكەر الماسبەك باتىروۆ جۋىردا عانا ۇلدارىنىڭ سۇندەت تويىن دۇركىرەتىپ تۇرىپ جاساعان بولاتىن. ارتىنشا شۇكىر شايى رەتىندە سۇندەت تويىن وسى بالالار ۇيىندە جالعاستىرۋدى نيەت ەتكەن», – دەدى ءانشى عادىلبەك جاناي.

كاسىپكەر جاقسىلىق جاساۋعا كاليفارنيا, «مەحوۆايا 8/1» توبىنان جاندوس سامالبەكوۆ پەن قابدول تىلەكوۆ, «NNN» لاقاپ اتىمەن تانىمال بلوگەر نۇرداۋلەت بولىپ, بالالارعا كوڭىل-كۇي سىيلاپ قايتقان.

«ءسابيدىڭ ءبارى باقىتتى بولۋ ءۇشىن جارالعان. بالاپانداردى قۋانتىپ, قولداپ كەتكەن باۋىرلارىما راحمەت» – دەپ جازدى كاسىپكەر.

كەش بارىسىندا كاسىپكەر بالالار ءۇيىنىڭ ارۋلارىنا 101 گۇل تاراتتى.