Tanymal juldyzdar balalar úıine baryp, jaqsylyq jasady

Foto: vıdeodan skrın

Belgili ánshi jáne tanymal blogerler ádemi chelendjdi bastap ketti, dep habarlady Qandastar.kz. Ánshi Dastan Orazbekov Almatydaǵy bir mektep oqýshylarynan «Jaqsylyq jasa» chelendjin qabyl alyp, Respýblıka kúni qarsańynda kóshede kezdesken kez kelgen názikjandylarǵa gúl usyndy.

«Jaqsylyq jasaý úshin aqshanyń kóp bolýy, tabystyń mol bolýy mindetti emes. Bastysy nıet, bastysy júrek! Siz de #JaqsylyqJasa heshtegin qoıyp, chelendjdi jalǵastyra alasyz. Qarbalas tirshilikte bir mezet toqtap, aınalańyzǵa jaqsylyq nuryn sebińiz», – dep jazdy ánshi.

Osylaısha óner juldyzy estafetany áriptesi Ǵadilbek Janaıǵa usyndy. Artynsha Ǵadilbek Janaı belgili kásipker, ári bloger Almasbek Batyrov pen qyzylordalyq kásipker Ádilet Baınashev úsheýi Almatydaǵy balalar úıine bardy.

«Kásipker Almasbek Batyrov jýyrda ǵana uldarynyń súndet toıyn dúrkiretip turyp jasaǵan bolatyn. Artynsha shúkir shaıy retinde súndet toıyn osy balalar úıinde jalǵastyrýdy nıet etken», – dedi ánshi Ǵadilbek Janaı.

Kásipker jaqsylyq jasaýǵa Kalıfarnııa, «Mehovaıa 8/1» tobynan Jandos Samalbekov pen Qabdol Tilekov, «NNN» laqap atymen tanymal bloger Nurdáýlet bolyp, balalarǵa kóńil-kúı syılap qaıtqan.

«Sábıdiń bári baqytty bolý úshin jaralǵan. Balapandardy qýantyp, qoldap ketken baýyrlaryma rahmet» – dep jazdy kásipker.

Kesh barysynda kásipker balalar úıiniń arýlaryna 101 gúl taratty.