تانىمال جۋرناليست كولىك سالىعىن تولەمەيتىن انشىلەردى اتادى

فوتو: Stan.kz

تانىمال مەديا مامانى, جۋرناليست گۇلبانۋ انياتقىزى كولىك سالىعىن تولەمەيتىن ونەر وكىلدەرىن اتادى, دەپ جازدى qandastar.kz

باق وكىلى انشىلەردىڭ سالىق تولەۋى ەستەرىنەن شىعىپ كەتەتىنىن ايتتى.

“سالىق تولەمەي جۇرگەن بلوگەرلەردىڭ ءتىزىمى دەپ تاراپ جاتىر ەكەن. ايلىق مۇمكىن جىلدىق تابىسى بالەنباي ملن, ءتىپتى ملرد بار. سوندا بۇلاردىڭ ينستاگرامنان تاپقان كۇندىك تابىسى قانشا?! باياعىدا سالىق ورگاندارى كولىگىنىڭ سالىعىن تولەمەيتىن ءانشى-ارتىستەردىڭ ءتىزىمىن بەرەتىن ەدى. ەرىنبەي بارىنە حابارلاسىپ شىعاتىنبىز. سوندا “ۇمىتىپ كەتىپپىن”, “قايداعى قارىز” دەپ, ءتىپتى كەيبىرى قورقىتاتىن, “سەن مەنىڭ كىم ەكەنىمدى بىلەسىڭ بە?” دەگەندەي. قىدىرالى دەگەن ءانشى اۋزىنا كەلگەنىن ايتىپ بوقتاعانى ەسىمدە. ەڭ قارىزى كوپ قاراقات ەكەۋى ەدى. بۇل جولى ولار تىزىمدە جوق ەكەن”, – دەپ جازدى جۋرناليست.

Stan.kz حابارلاعانداي,  بۇعان دەيىن قازاقستاندىق بلوگەر الىشەر ەلىكباەۆ سالىق كوميتەتىنىڭ بۇل ارەكەتىنە نارازىلىعىن بىلدىرگەن ەدى. ايتۋىنشا, مۇندا كورسەتىلگەن قاراجات دۇرىس ەسەپتەلمەگەن جانە ءتىپتى بۇرىننان سالىق تولەيتىن ادامدارعا دا كەلگەن.

ودان كەيىن, قازاقستاندىق تەلەجۇرگىزۋشى, اكتريسا جانە جۇزدەگەن مىڭ جازىلۋشىسى بار بلوگەر داريا الەكساندروۆا سالىق كوميتەتىنەن كەلگەن حابارلامادان كەيىن جاعدايىنىڭ ناشارلاعانىن جەتكىزگەن ەدى.